Antitouradas piden a Rueda que non acuda "al ruedo"
Por Oskar Viéitez
A plataforma Galicia, Mellor Sen Touradas pide ao presidente da Xunta, Alfonso Rueda, que non asista ás corridas de touros de Pontevedra.
O colectivo reuniu 140.000 firmas a través dunha petición de Change.org en contra das corridas de touros na Boa Vila.
Nun comunicado, a plataforma antitaurina lembra que Pontevedra é a única localidade galega que acollerá corridas de touros esta tempada, con dúas xornadas de actividade.
Os abolicionistas afirman que senten "suficiente apoio social como para demandar ao novo presidente da Xunta, Alfonso Rueda, que non asista a ningunha das convocatorias", pois entenden que "a inmensa maioría da poboación rexéitaas".
"Rueda foi un asiduo da feira taurina de Pontevedra acompañando a outros distinguidos militantes do Partido Popular, e no seu papel de primeiro responsable político da comunidade debería realizar un xesto con todas e todos aqueles que abolirían a tauromaquia", sostén Galicia, Mellor Sen Touradas.
Esta plataforma tamén esixe ao Concello de Pontevedra un maior compromiso para acabar con esta práctica que, segundo considera, é malos tratos animais.
Relacionadas:
-
Touradas fóra de Pontevedra volve saír á rúa: "este ano vanse asasinar na praza 12 touros"
Por Natalia Puga & Mónica Patxot |
-
Touradas Fóra de Pontevedra reivindica nas rúas que a maioría da poboación é antitaurina
Por Almu Dapena & Redacción |
-
Rafa Domínguez: "fun unha vez aos touros con 15 anos e xurei que non volvería máis"
Por Anxo Lourido |
-
Tomás Rufo manterá un encontro coa afección taurina de Pontevedra
Por Redacción |
-
RADIO.- A 'normalidade' e os 'brotes verdes' fanse oco no faladoiro taurino das 'Conversas na Ferrería'
Por Marisa Ciordia |
-
Regresa a feira taurina a Pontevedra cunha das revelacións da tempada, Tomás Rufo
Por Marisa Ciordia & Mónica Patxot |