Anuncian restricións en Poio pola escaseza de auga
Por Oskar Viéitez
O alcalde de Poio, Luciano Sobral anunciou este martes que vai aprobar un bando con medidas restritivas do consumo de auga tras decretar a Xunta de Galicia situación de pre-alerta debido ós problemas de seca que estamos padecendo polas condicions climatolóxicas adversas, a falta de precipitacions e as altas temperaturas.
"A situación é complicada, nós notámolo tamén nas captacións que temos no río Mouro e en Samieira nas que se ve que a baixada do caudal é moi grande", comentou o alcalde.
Así, o Concello de Poio apela á responsabilidade de tódolos veciños ante a necesidade de aforro e un consumo responsable de auga.
Por estes motivos no Bando insistirase en que "débese consumir a auga estrictamente necesaria e non malgastala", polo que se restrinxe o uso da rede municipal de auga para baldeos tanto en espazos públicos como privados, para o recheo de piscinas e o lavado de coches.
Do mesmo xeito restrínxense as duchas e os lavapés das praias e reduciránse as regas dos xardin públicos e privados.
Pero, fundamentalmente, manterase unha "especial atención a detención de fugas".
Dende o Concello rogan "a colaboración de tódolos usuarios para que se faga un uso racional da auga e así poder mellorar o servicio".
Relacionadas:
-
Poden as presas existentes ao longo do río Lérez aliviar a situación da seca?
Por Oskar Viéitez |
-
As temperaturas nas Rías Baixas continuarán por riba dos 30 graos nesta primeira semana de agosto
Por Redacción |
-
Decretado o nivel 2 de alerta por calor na provincia de Pontevedra ata o martes
Por Cristina Saiz & Anxo Lourido |
-
Os concellos que se abastecen en alta do Lérez constitúen un grupo de seguimento e prevención
Por Oskar Viéitez & Mónica Patxot |
-
O Concello de Pontevedra anticípase ao nivel de alerta por seca decretando "medidas excepcionais"
Por Oskar Viéitez |
-
Reunión urxente entre a Xunta e seis concellos da área de Pontevedra para abordar a seca no Lérez
Por Natalia Puga |