O novo comisario da Policía Nacional márcase como reto atallar a ciberdelincuencia e confirma un "pequeno descenso"
Por Natalia Puga
A loita contra a ciberdelincuencia é un "reto importante" para o novo comisario provincial da Policía Nacional de Pontevedra. Juanjo Díaz Jiménez leva varios meses ocupando o cargo en funcións e desde a semana pasada está en comisión de servizos, de modo que empezou un percorrido polas distintas autoridades da provincia. Este mércores estreouse coa subdelegada do Goberno en Pontevedra, Maica Larriba.
Tras manter un encontro con Larriba, o comisario marcou como o seu principal reto nesta nova etapa esa loita contra a delincuencia e recoñeceu que desde as autoridades policiais observan un "pequeno descenso". De momento, non é significativo e seguirán traballando "para tentar minorar a incidencia deses delitos".
O comisario destacou a importancia do traballo preventivo en relación con estes delitos e avanzou que a través da brigada de participación cidadá realizan "campañas periódicas de medidas preventivas" informando sobre as precaucións mínimas que se deben adoptar para evitar converterse en vítimas.
Maica Larriba destacou este mércores os datos oficiais da taxa de criminalidade na provincia de Pontevedra, que é "unha provincia segura e co noso comisario, máis segura aínda". Segundo as estatísticas que manexa, a taxa pontevedresa é de 21 por cada mil habitantes, menos da metade dos 43 por cada mil habitantes da media española e tamén mellor cifra que a media galega, de 32,4.
A subdelegada deulle a benvida ao comisario destacando a súa "larguísima experiencia" e que "coñece moi ben a provincia", pois foi responsable das comisarías locais de Marín (6 anos) e Vilagarcía de Arousa (2 anos) e, tras o seu ascenso a comisario, o seu primeiro destino foi Vigo-Redondela, donde estivo os dous últimos anos. Desta forma, ocupou as máximas responsabilidades nas principais comisarías da provincia.
Tras o cesamento da anterior comisaria provincial, Estíbaliz Palma, asumiu o mando da provincia en funcións. Agora xa foi nomeado en comisión de servizos e en "non moito tempo" o seu nomeamento xa será definitivo.
Nesta nova etapa, o comisario "ten toda a confianza dos seus mandos e dos representantes do Goberno" na provincia.
Relacionadas:
-
Así se loita contra a ciberdelincuencia en Pontevedra: con máis axentes e o aumento de delitos estabilizado
Por Natalia Puga & Mónica Patxot |
-
A ocupación "non é un problema" en Pontevedra con casos "que non son significativos"
Por Redacción |
-
As policías Local e Nacional manteñen unha colaboración "excepcional" para protexer unha cidade "segura"
Por Natalia Puga & Mónica Patxot |
-
Ningunha denuncia en Pontevedra por picadas de submisión química, pero "se pasa, directamente ao hospital"
Por Natalia Puga |
-
"Ben encamiñada" a investigación da agresión grupal nocturna a un mozo en Michelena
Por Natalia Puga |
-
Juan José Díaz Jiménez, novo comisario provincial da Policía Nacional
Por Natalia Puga |
-
Non facilitar contrasinais nin datos persoais, consellos básicos para evitar as "constantes" estafas na internet
Por Natalia Puga & Mónica Patxot |
-
Preocupación polo aumento dos ciberdelitos nunha provincia cada ano máis segura
Por Redacción |
-
A pandemia e a ciberdelincuencia centran a volta á (case) normalidade da Policía Nacional no seu patrón
Por Natalia Puga & Mónica Patxot |
-
Ciberdelincuencia, violencia de xénero e trapicheo, retos por diante dos novos comisarios de Vilagarcía e Marín
Por Natalia Puga & Mónica Patxot |