Xornadas diúrnas e nocturnas de paddle surf para descubrir o río Lérez e a cidade
Por Redacción
O Concello de Pontevedra, a través do departamento de Turismo, organiza a partir do domingo 31 de xullo unha serie de xornadas diúrnas e nocturnas para coñecer a cidade e o río Lérez en paddle surf.
Trátase de xornadas de balde organizadas pola Concellaría de Turismo e a empresa Urban Culture Factory. En total, son 13 xornadas nas que poderán particular tanto a poboación de Pontevedra como as persoas visitantes.
Estes singulares paseos permiten ás persoas participantes descubrir a historia, oficios, enclaves, edificios, lendas, flora e fauna autóctona, así como información de interese turístico e cultural.
A actividade está guiada por un monitor e, segundo indican desde o Concello, ten a intención de "recuperar o valor inmaterial da historia da cidade e o vínculo ao río Lérez".
Cada ruta está pensada para un máximo de 8 persoas e partirá da praia fluvial de Pontevedra. Alí recibirán todo o material de seguridade e unha charla básica sobre a seguridade na auga e o achegamento ao paddle surf.
As xornadas comezarán este vindeiro 31 de xullo e rematarán o 28 de agosto. A duración prevista é de 2 horas e 40 minutos e os horarios e días poden variar en función do solpor ou as condicións meteorolóxicas adversas.
En principio, o calendario prevé sesións de 17.00 a 19.30 horas os domingos 31 de xullo e 7, 14, 21 e 28 de agosto. Ademais, os sábados haberá sesión dobre, unha diúrna de 10.30 a 13.00 horas e outra de 21.30 a 24.00 horas. Será os sábados 6, 13, 20 e 27 de agosto.
Relacionadas:
-
Os 'varredores do Lérez' retiran máis de 120 quilos de residuos do río
Por Redacción |
-
VÍDEO.- Diversión no Lérez grazas ás intensas mareas vivas do equinoccio
Por Redacción |
-
Esgotadas as prazas para as novas saídas en paddle surf polo Lérez
Por Redacción |
-
Amplían os roteiros de pádel surf polo Lérez tras esgotar as prazas en tres horas
Por Redacción |