Medio Rural dá por controlado o incendio da Fracha dous días e medio despois de empezar a arder
Por Natalia Puga
Ao mediodía deste luns, máis de dous días e medio de que comezara a arder o monte da Fracha, a Consellería de Medio Rural confirmou oficialmente que o incendio está controlado. Arrasou desde as sete e media da tarde do venres 380 hectáreas de terreo de Pontevedra e Ponte Caldelas.
A Consellería de Medio Rural dera por estabilizado o lume na tarde deste domingo e este luns confirmou o control. Xa durante a mañá deste domingo desactivara a situación de alerta 2 decretada como medida preventiva o día do inicio do lume por proximidade de núcleos de poboación.
O lume comezou na parroquia de Xustáns, en Ponte Caldelas, e o o vento estendeuno rapidamente nas primeiras horas cara ao monte de Pontevedra, onde as parroquias máis afectadas foron Ponte Sampaio (fundamentalmente o lugar do Vilar) e A Canicouva.
Ata as 8.00 horas da mañá deste sábado a Xunta despregara para extinguir este lume cinco técnicos, 27 axentes, 64 brigadas, 43 motobombas, 4 pas, unha unidade técnica de apoio, 8 avións e 10 helicópteros.
Ademais, despregouse neste incendio a Unidade Militar de Emerxencias (UME), que repregou a media mañá deste domingo, e mobilizáronse voluntarios de Protección Civil de Pontevedra, Soutomaior e Poio, os bombeiros de Pontevedra e distintos medios municipais dos dous municipios afectados, Pontevedra e Ponte Caldelas, así como axentes da Garda Civil e da Policía Local de Pontevedra e veciños tanto de Pontevedra como de Ponte Caldelas.
Relacionadas:
-
O conselleiro do Medio Rural desvela que "hoxe pola noite volvemos ter nove intentos de prender lumes"
Por Oskar Viéitez |
-
A Canicouva revive o pesadelo do incendio do 2006
Por Manu Otero & Cristina Saiz |
-
Técnicos municipais avaliarán esta semana os danos que o incendio causou no Parque forestal da Fracha
Por Redacción |
-
Estabilizado o incendio no monte da Fracha: agora toca avaliar danos
Por Natalia Puga |
-
"Evoluciona favorablemente" o lume que xa arrasou 380 hectáreas de Pontevedra e Ponte Caldelas
Por Natalia Puga | Creada e actualizada
-
A devastación que deixa ao seu paso o incendio no monte da Fracha
Por Natalia Puga & Cristina Saiz & Almu Dapena |
-
"Profundamente preocupados" en Pontevedra pola evolución do incendio da Fracha, que ataca o parque forestal
Por Natalia Puga | Creada e actualizada
-
Noite en alerta na Canicouva, Ponte Sampaio e Ponte Caldelas polo incendio da Fracha, que arrasa 150 hectáreas
Por Natalia Puga | Creada e actualizada