O Sergas reorganiza o servizo de atención sanitaria en Baltar pola falta de profesionais
Por Redacción
A Área Sanitaria de Pontevedra e O Salnés vela por unha reorganización responsable dos medios asistenciais de Atención Primaria condicionada pola carencia de profesionais para a contratación no eido da Medicina de Familia ademais das vacacións e as baixas por diversa índole.
Neste senso, a pasada semana o xerente e a directora asistencial desta Área Sanitaria desprazáronse ata o centro de saúde de Baltar en Sanxenxo para manter unha xuntanza técnica cos facultativos, analizar a situación e planificar alternativas que garantan en todo momento a continuidade asistencial.
A previsión de que estiveran dispoñibles só 4 médicos e, posiblemente, 3 nos días seguintes dos 8 que conforman o persoal, levou a planificar a inactivación das axendas para manter unha axeitada atención á totalidade da poboación desta localidade e adicar todos os efectivos para atender as consultas urxentes, unha medida provisional que se prevé manter inicialmente ata o vindeiro mércores 31 de agosto de 2022.
Na devandita xuntanza técnica tamén estableceuse un circuíto para que a renovación de receitas se efectúe pola farmacéutica de Atención Primaria do centro de saúde sanxenxino.
Desde o Sergas aseguran que están a tramitar administrativamente as solicitudes á Oferta Pública de está aberta unha oferta de emprego para contratar a 106 profesionais para diferentes centros de saúde da área sanitaria de Pontevedra e O Salnés.
Relacionadas:
-
Sábado 27, protesta ante a precarización de servizos sanitarios no Centro de Saúde de Baltar
Por Redacción | Creada e actualizada
-
O Sergas destaca a calidade asistencial no centro de saúde de Baltar e a oposición asegura que "está peor que nunca"
Por Redacción |
-
Arranca en Seixo a recollida de sinaturas da Iniciativa Lexislativa Popular pola defensa da atención primaria
Por Oskar Viéitez |
-
O Colexio de Médicos posiciónase "a favor" das substitucións "imprescindibles" na xerencia da área Sanitaria
Por Oskar Viéitez |
-
Imposible conseguir cita médica no centro de saúde de Baltar
Por Redacción |
-
Ponte Sampaio queda sen médico no centro sanitario en agosto ata que se atope un suplente
Por Redacción |