A Federación pola Igualdade das Mulleres presenta un cubrevasos contra a submisión química
Por Redacción
A Federación pola Igualdade das Mulleres da Provincia de Pontevedra (Femupo) ven de presentar o produto 'Drink Safe', un cubrevasos co que se busca evitar casos de submisión química nos contextos de ocio nocturno.
A iniciativa nace a partir do convenio de colaboración entre Femupo e a Secretaría Xeral de Igualdade, grazas aos fondos do Pacto de Estado contra a Violencia de Xénero.
A presidenta de Femupo, Raquel Touriño, puntualizou que "evidentemente traballamos para que non acontezan casos de submisión química pero ideamos este cubrevasos conscientes de que conseguir violencia cero deste tipo é complicado".
O 'Drink Safe' consiste nun coleteiro que esconde no interior unha tapa de tea a xogo. Adáptase a calquera tipo de vaso, con palla incluída, para poder beber con seguridade. Ademais, ao ser unha tea impermeable, evita que a bebida se molle, e tamén serve como elemento diferenciador para distinguir o vaso.
Sinalan que son feitos artesanalmente na Provincia de Pontevedra e personalizables mediante serigrafía, co logotipo dunha empresa, por exemplo. Tamén hai una versión diferente pensada para quen non queira lucir un coleteiro e queira simplemente levalo no peto ou no bolso.
Como parte da estratexia de lanzamento, as participantes no Campo de Voluntariado de Cerdedo-Cotobade realizaron un vídeo promocional deste produto que está en período de lanzamento pero a previsión de Femupo é chegar a 5.000 unidades no que queda de ano.
Relacionadas:
-
Forestalis, Club Ciclista Farto, CIM de Marín e Estudo Bonobo, premiados por traballar pola igualdade
Por Redacción |
-
Pulseiras solidarias que se traducen en horas de apoio psicolóxico a vítimas de violencia de xénero
Por Redacción |
-
Os socialistas critican que a Xunta imparta un curso para mulleres unicamente con profesores homes
Por Oskar Viéitez |
-
A Área Sanitaria conta xa cun protocolo de actuación ante casos sospeitosos de submisión química
Por Redacción |
-
Ningunha denuncia en Pontevedra por picadas de submisión química, pero "se pasa, directamente ao hospital"
Por Natalia Puga |
-
Polémica arredor das denuncias de "picadas" a mulleres nas Festas do Albariño
Por Redacción |
-
Un libro para tomar conciencia da violencia de xénero a través dos sentimentos dunha vítima
Por Natalia Puga & Mónica Patxot |
-
A Federación pola Igualdade das Mulleres de Pontevedra entrega os seus premios en Sanxenxo
Por Redacción |