SOS Sanidade Pública O Salnés convoca unha manifestación comarcal en outubro polas rúas de Vilagarcía
Por Redacción
A coordinadora comarcal do Salnés de SOS Sanidade Pública decidiu no seu último encontro organizar unha manifestación o venres 14 de outubro a partir das 20.00 horas en Vilagarcía de Arousa.
O motivo desta nova protesta atópase na situación que Atención Primaria sufriu durante este verán. A marcha iniciarase na Casa do Mar e finalizará na Praza de Galicia. A plataforma intensificará a actividade durante as próximas semanas co fin de informar e animar á veciñanza para participar na manifestación e continuar coa recollida de firmas da iniciativa lexislativa popular (ILP).
Desde a plataforma sinalan que a situación de Atención Primaria nas Ría de Arousa e no Salnés é "absolutamente inaceptable", debido á situación de peches de centros de saúde e de Puntos de Atención Continuada e a prioridade que o Sergas dá ás consultas telefónicas. A isto súmanse as listas de espera e os equipos de persoal sanitario reducido a menos da metade, segundo expoñen.
A situación agravouse, denuncian, durante o verán debido ao incremento da poboación turística. Con este panorama, José Manuel Ribadomar, portavoz da plataforma, espera que a resposta cidadá sexa "contundente" a través desta marcha.
Tamén considera moi positiva a recollida de firmas a favor da ILP, ao recoller 4.000 nas tres primeiras saídas. Está previsto que intensifiquen a súa actividade durante este mes de setembro.
Entre as reivindicacións de SOS Sanidade Pública atópase a apertura de todos os centros, PAC e consultas pechados; o fin das listas de espera e a prioridade de consultas presenciais; a normalización dos persoais coa incorporación de novos profesionais e persoal administrativo nos centros de saúde; dotación dun orzamento extraordinario para a xerencia da área para afrontar estas medidas; e a posta en marcha dunha negociación coas organizacións sociais e administracións locais para planificar todas as reivindicacións.
Relacionadas:
-
Masiva asistencia á manifestación en defensa da Atención Primaria no Salnés
Por Redacción |
-
Poio súmase de forma activa á recollida de sinaturas para a ILP que busca mellorar a atención primaria
Por Redacción |
-
Seis ecógrafos novos para os hospitais Provincial e Montecelo
Por Redacción |
-
A ILP de SOS Sanidade Pública para salvar a atención primaria, "disparada" en zonas como O Salnés e O Morrazo
Por Redacción |
-
Denuncian a "falta de compromiso" dos responsables sanitarios para mellorar a situación en Sanxenxo
Por Oskar Viéitez |
-
Ana Pontón esixe a Rueda que "deixe de normalizar o desastre sanitario" e reforce a Atención Primaria
Por Alejandro Espiño |
-
Multitudinaria concentración polo "desmantelamento" da atención primaria en Sanxenxo
Por Redacción |
-
A falta de sanitarios e a sobrecarga de traballo provoca "erros" nos diagnósticos, denuncia SOS Sanidade Pública
Por Manu Otero & Cristina Saiz |