Unha nova senda en Tenorio comunica a Galiña Azul e o Instituto
Por Redacción
O Concello de Cerdedo-Cotobade decidiu continuar coa humanización do entorno escolar de Tenorio coa construción dunha nova senda peonil en formigón ocre con borde en pedra entre a Escola Infantil Galiña Azul e o Instituto de Cotobade e a creación dun aparcadoiro que permita garantir a seguridade viaria dos alumnos e da comunidade educativa.
Esta nova actuación nesta zona escolar e de servizos deportivos conta cunha achega de 50.000 euros do Plan Concellos da Deputación.
A obra súmase ao proceso de humanización levado a cabo na conexión entre o colexio e as pistas polideportivas de Tenorio coa finalización da beirarrúa nova que dá sentido á senda peonil, a canalización de augas pluviais, retranqueo de postes e colocación de iluminación led, así como unha renovada sinalización horizontal e vertical da zona para ordenar e mellorar a seguridade viaria.
Este proceso de humanización dá resposta a unha serie de demandas da comunidade educativa.
Aproveitouse a pasada actuación para realizar o retranqueo dos postes do tendido eléctrico existentes e canalizar baixo terra tamén as liñas de telecomunicacións que discurren por onde vai o trazado peonil. Deste xeito gañouse en espazo e se mellora a imaxe da zona.
Segundo o alcalde, Jorge Cubela "deste xeito, conseguiremos un acceso seguro para os peóns, alumnos e pais así como veciños, aos distintos equipamentos públicos existentes no entorno de Tenorio como a Escola Infantil, pavillón de deportes, CEIP, o instituto de ensino medio, pistas polideportivos, etc".
Relacionadas:
-
O Concello de Cerdedo-Cotobade xa está preparado para o inicio das "obras históricas" de máis de 6 millóns de euros
Por Redacción |
-
No estacionamento do IES Cotobade só se permitirá aparcar un máximo de 15 minutos de luns a venres
Por Redacción |
-
Ethel Vázquez supervisou o resultado dos traballos na Travesía de Tenorio
Por Redacción |
-
Finalizan as obras da senda peonil de Tenorio entre o colexio e as pistas polideportivas
Por Redacción |
-
A humanización da nova senda peonil de Tenorio xa está rematada
Por Redacción |