O Supremo apraza a votación que marcará o futuro de Ence en Lourizán
Por Redacción
O proceso xudicial que se mantén aberto no Tribunal Supremo para determinar a validez ou nulidade da prórroga que autoriza a permanencia de Ence na Ría de Pontevedra tiña o próximo 4 de outubro unha cita importante. O tribunal fixara ese día para a votación e fallo sobre un dos recursos presentados, pero finalmente, esa sinalización aprazouse e aínda non hai nova data para abordar a situación.
A cita do 4 de outubro estaba prevista para revisar o recurso presentado pola propia empresa, os seus comités de empresa, a Autoridade Portuaria de Marín e Ría de Pontevedra e dúas asociacións afíns contra a primeira das sentenzas da Audiencia Nacional que anulou a prórroga da concesión e que, por tanto implica a saída de Ence da súa sede de Lourizán. Esa sentenza foi a que deu a asociación ecoloxista Greenpeace.
Con todo, hai pendente un segundo recurso, contra a segunda sentenza da Audiencia Nacional ditada en similares termos e que daba a razón ao Concello de Pontevedra. Ese segundo recurso é o motivo polo que a sinalización do 4 de outubro queda aprazado.
A Sala Terceira do Contencioso-Administrativo do Tribunal Supremo ditou o pasado martes 6 de setembro unha providencia pola que acorda o aprazamento indicando que aínda está en tramitación o outro recurso, "de contido semellante" e consideran que debería sinalarse para un único día a votación e fallo dos dous recursos.
En canto finalice a tramitación do segundo recurso, procederase á nova sinalización.
Ambas as sentenzas da Audiencia Nacional estimaron as demandas contra a prórroga á concesión de Ence arpobada polo Goberno en funcións de Mariano Rajoy o 20 de xaneiro de 2016 e anúlana.
Relacionadas:
-
Ence inicia en Navia a produción de Naturcell, celulosa que só se estaba a subministrar desde a fábrica de Lourizán
Por Anxo Lourido |
-
Unai Sordo reclama ao Goberno "que se moje" e deixe de "ponerse de perfil" con ENCE
Por Alejandro Espiño |
-
Ence berra na rúa: "De Lourizán non nos moverán"
Por Mónica Patxot & Anxo Lourido |
-
O líder de CCOO en España apoia as reivindicacións dos traballadores de ENCE e a súa permanencia en Pontevedra
Por Redacción |
-
Os traballadores de ENCE convocan unha manifestación antes de que o Supremo decida sobre o futuro da fábrica de Lourizán
Por Oskar Viéitez & Mónica Patxot |
-
O Supremo resolverá en outubro o primeiro recurso ás sentenzas que anulan a prórroga de Ence
Por Redacción |