Oda á 'Ameixa' en Campelo
Por Redacción & Cristina Saiz
Despois de dous anos de asuencia pola pandemia, Campelo volve gozar da súa querida Festa da Ameixa na que é xa a súa 34 edición.
Tras o prólogo que supuxo a homenaxe o venres ás traballadoras do mar, este sábado chegoulle a quenda á gastronomía pura e dura, coa apertura da carpa gastronómica situada na Praza da Granxa.
Ameixas á mariñeira (9,50 euros a ración), con fideos ou arroz con ameixas (8 euros en ambos os dous casos), esperaban aos comensais.
Durante as dúas xornadas previstas de Festa de Ameixa, sábado e domingo, a organización prevé superar os 500 quilos de bivalvo vendidos.
Todo iso cunha programación que completan diversas actividades, como a actuación da Escola de Música Tradicional de Poio, o desembarco pirata na praia de Campelo previsto para este sábado ou a música de taberna cos grupos Cantanascroas, Orfetón Pontus Veteris e Son das Ondas, ademais do concerto da orquestra América de Vigo que pecha a xornada.
En canto ao domingo, a Festa da Ameixa contará coa Banda de Música de Arcade facendo unha animación musical ás 11.30 e ás 13.00 horas. A degustación estará amenizada por Vides Novas durante a mañá, mentres que o broche á festa poñerao ás 22.00 horas a orquestra Prayers de Ferrol.
Relacionadas:
-
A homenaxe á xente do mar, punto de partida da recuperada Festa da Ameixa
Por Redacción |
-
Confirmado: haberá Festa da Ameixa de Campelo esta fin de semana
Por Redacción |
-
A celebración da Festa da ameixa está supeditada á situación da toxina
Por Redacción |
-
A Festa da Ameixa homenaxeará as mariscadoras xubiladas e recuperará a degustación gastronómica
Por Redacción |