O Consello da Maxistratura de Bos Aires coñece o proxecto "funcional" dos xulgados da Parda
Por Redacción
O novo edificio xudicial da Parda recibiu este martes unha visita de índole internacional na que as autoridades do ámbito da Xustiza puideron presumir das novas instalacións inauguradas no ano 2019. Visitou o inmoble unha delegación con membros do Consello da Maxistratura da Cidade Autónoma de Bos Aires (CABA).
Durante a visita, acompañáronos o director xeral de Xustiza, José Tronchoni; a xuíza decana de Pontevedra, Belén Rubido de la Torre; e o delegado territorial da Xunta en Pontevedra, Luís López.
Belén Rubido explicou a adaptación do novo edificio ao funcionamento da xustiza en España. Tras o percorrido, segundo a información facilitada pola Xunta, os maxistrados "valoraron especialmente a funcionalidade das instalacións".
Por parte da Xunta de Galicia, lembran que este edificio supuxo un investimento de 21,5 millóns de euros e buscou darlle resposta á demanda de espazo requirido pola Administración de Xustiza en Pontevedra.
Os representantes do Consello da Maxistratura da Cidade Autónoma de Bos Aires tamén visitaron este martes a nova Cidade da Xustiza de Vigo, ao considerar a Xunta que son as máis importantes infraestruturas xudiciais construídas en Galicia.
José Tronchoni explicou ás persoas visitantes o compromiso do Goberno galego coa mellora das instalacións ao servizo da Administración de Xustiza, do que son mostra os dous edificios visitados. Ambas obras sumaron un investimento superior aos 63 millóns de euros e forman parte do Plan de Infraestruturas Xudiciais, dotado con 125 millóns de euros.
Relacionadas:
-
O antigo edificio xudicial da Parda, obxecto dunha mellora valorada en máis de 221.700 euros
Por Redacción |
-
Belén Rubido, reelixida decana dos xuíces de Pontevedra para un segundo mandato
Por Natalia Puga |
-
Os xuíces pontevedreses poñen deberes á Xunta: que as obras dos vellos xulgados terminen "canto antes"
Por Natalia Puga |
-
As novas instalacións da Fiscalía sitúan o partido xudicial de Pontevedra "nun dos mellores niveis de Galicia"
Por Natalia Puga |
-
A xustiza post pandemia: necesidade de máis medios tecnolóxicos e sen aumento dos asuntos en trámite
Por Natalia Puga & Mónica Patxot |
-
O poder xudicial virá a Pontevedra para celebrar o seu pleno nos novos xulgados da Parda
Por Alejandro Espiño |
-
Pontevedra inaugura a súa "cidade da xustiza" na Parda
Por Alejandro Espiño & Mónica Patxot |