Avanza a bo ritmo a obra de remodelación do entorno do Mercado de Seixo
Por Redacción
O Concello de Marín sinalou que as obras de humanización da contorna do Mercado de Seixo "están a avanzar a moi bo ritmo, conquerindo que se comece apreciar a transformación urbana do centro da parroquia".
Este proxecto "ambicioso e esencial para Seixo", tal e como se apunta desde o goberno local, reformula a rúa para que teña plataforma única, con uso prioritario de peóns e cunha plaza anexa a nivel que permita usos múltiples de ocio e desfrute do entorno urbano.
En total, aumentarase o espazo peonil en máis de 800 metros cadrados. Tamén se renovarán a xardinaría, a sinalización e o mobiliario urbano.
O orzamento global do proxecto ascende a case 730.150 euros, dos cales 548.058 serán aportados pola Deputación de Pontevedra, a través do Programa ReacPon. O prazo de execución da obra será de 6 meses.
Esta é a segunda gran obra de humanización que se está a levar a cabo en Seixo nos últimos tempos, despois da remodelación da Rúa Camiño Vello, na que se renovaron todos os servizos, ancheáronse as beirarrúas, púxose novo mobiliario e arborado e pavimentouse de novo.
Relacionadas:
-
A piques de rematar a nova praza na contorna do mercado de Seixo
Por Redacción |
-
A banda de música de Marín trasládase oficialmente á Escola Nosa Señora do Carme
Por Redacción |
-
O Concello renovará 78 puntos de luz no casco urbano de Seixo
Por Redacción |
-
A obra de remodelación da contorna do Mercado de Seixo está "bastante avanzada"
Por Redacción |
-
Piden unha parada de bus con marquesiña na contorna do Mercado de Seixo
Por Oskar Viéitez |