O persoal de Pérez Torres Marítima de Marín reclama melloras laborais
Por Redacción
O cadro de persoal de Pérez Torres Marítima, empresa que xestiona a descarga de contedor no Porto de Marín, iniciou este mércores unha campaña de mobilizacións para reclamar melloras laborais cunha concentración diante das instalacións da compañía.
Dende a central sindical CIG explican que "a decisión de mobilizarse foi adoptada despois de que a dirección rompese de xeito unilateral as negociacións" tras meses de conversas para intentar pactar "unha serie de melloras laborais por enriba do convenio colectivo de axencias marítimas", convenio que foi denunciado nos xulgados.
Ao mesmo tempo, anuncian que as protestas desenvolveranse no mesmo lugar todos os mércores até que a compañía acceda a retomar as negociacións co obxectivo de mellorar as condicións de traballo.
Durante a concentración despregaron unha pancarta rexeitando "as imposicións da empresa" e berraron consignas instándoa a retomar as conversas.
Relacionadas:
-
O Consello de Administración do Porto de Marín aproba o Plan de medidas antifraude
Por Redacción |
-
A Aixola inicia o curso con 40 prazas en tres novas accións formativas para o sector pesqueiro
Por Redacción |
-
Medra un 3,30% o movemento de mercancías no Porto de Marín nos primeiros sete meses do ano
Por Redacción |