Os cen anos de Pura Matos ben valen dous ramos
Por Redacción
Pura Matos Ventín acaba de cumprir 100 anos e, para celebralos, recibiu dous ramos de flores. Leváronllos ao mesmo tempo, un cada un, o delegado territorial da Xunta en Pontevedra, Luis López, e o alcalde de Pontevedra, Miguel Anxo Fernández Lores.
López e Lores visitaron á nova centenaria da cidade no centro para maiores de Campolongo, onde reside, e trasladáronlle os seus parabéns.
O director da residencia, Juan José López Peña, tamén quixo compartir a efeméride con esta muller, que chega ao centenario cun magnífico estado de saúde.
Tanto o delegado da Xunta como o alcalde de Pontevedra expresaron o seu desexo de compartir un momento similar con Pura Matos o vindeiro ano.
Na celebración non faltaron unha gran tarta nin candelas, que a centenaria soprou entre os aplausos de todos os residentes deste centro da Xunta, que quixeron compartir esta celebración.
Relacionadas:
-
José María López de Guereñu Rey celebra o seu 103 aniversario
Por Redacción |
-
Aprobada a licenza de obras para a reforma integral da residencia de maiores de Campolongo
Por Redacción |
-
A residencia de Campolongo celebra os 103 aniversarios de Olga Macías, a súa residente máis lonxeva
Por Manu Otero & Diana Eiras |
-
Erciria Rosa Vidal, unha muller "soa e libre" que celebra os seus 100 anos
Por Redacción |