Tres novos composteiros comunitarios e dúas biotrituradoras para podas activaranse en Sanxenxo
Por Redacción
O tratamento dos residuos orgánicos amplíase en Sanxenxo coa instalación de tres novos composteiros comunitarios e dous biotrituradoras para podas. O investimento previsto para estes elementos ascende a máis de 90.000 euros.
Estas incorporacións contan co financiamento da Unión Europea-Next Generation nun 90% e o 10% restante é asumido polo Concello dentro do Plan de recuperación que ten en marcha, ademais do custo do IVE. Os tres centros de compostaxe foron adxudicados por 41.824 euros e súmanse ao que xa está operativo no parque do Espiñeiro en Portonovo. Os novos instalaranse nos parques de Nantes; de Xuncabranca, en Vilalonga; e en Adina. A intención do goberno local é reducir a cantidade de desperdicios orgánicos que se depositan no lixo e así reducir os residuos enviados a Sogama, cunha rebaixa na contaminación e emisión de CO2 que conleva o transporte e xestión.
Tamén se quere desde o goberno de Telmo Martín xerar conciencia da importancia de dar unha saída correcta aos residuos que se producen nos fogares.
As dúas biotrituradoras sacáronse a licitación por un importe de 48.692 euros. Con esta maquinaria trataranse os restos de poda para despois utilizalos como material estructurante dos biorresiduos nos composteiros comunitarios.
A previsión do Concello de Sanxenxo é que con estes materiais operativos se reduzan un 40% as emisións de gases efecto invernadoiro no municipio.
Relacionadas:
-
Os técnicos do Plan Revitaliza supervisarán os composteiros individuais nos domicilios en Sanxenxo
Por Redacción |
-
Ultiman a colocación dos tres novos composteiros en Baltar, Nantes e Sanxenxo
Por Oskar Viéitez |
-
Melloran a cuberta do punto limpo municipal situado en Padriñán
Por Redacción |
-
Entrega de 100 composteiros individuais en Sanxenxo coa previsión de instalar tres comunitarios
Por Redacción |
-
A rede de composteiros chega ao colexio de Portonovo
Por Redacción |
-
Sanxenxo concienciará á súa poboación sobre a importancia de reciclar pola Semana Europea contra os Residuos
Por Redacción |
-
Sanxenxo incrementou a compostaxe de residuos nun 38% durante o pasado ano
Por Redacción |