A empresa inicia unha investigación propia sobre o incendio en Pontesa, onde almacena 42.000 toneladas de gran
Por Natalia Puga
Galigrain, a filial do GrupoNogar propietaria do gran almacenado na antiga fábrica de cerámica de Pontesa, iniciou a súa propia investigación para aclarar o ocorrido no incendio declarado o domingo na nave e que deixou un falecido e dous feridos.
Segundo a información facilitada pola propia empresa este venres, Galigrain ten alugadas as antigas naves de Pontesa desde 2018 e almacena alí aproximadamente 42.000 toneladas de gran, fundamentalmente cebada e produtos de xirasol.
A empresa quixo deixar pasar dous días de loito como "mostra do profundo respecto e afecto" que unía ao equipo humano do GrupoNogar con Benito González Dopazo, o operario falecido, que era desde hai 30 anos uno dos principais responsables da operativa de Galigrain en Galicia como encargado da supervisión e coordinación do traballo de medio centenar de traballadores.
Agora, inician esa investigación co obxectivo de esclarecer os motivos e circunstancias do sinistro.
Paralelamente, a empresa colabora desde o primeiro momento coas autoridades facilitando todos os datos, documentación e axuda requirida na investigación oficial da Policía Nacional para esclarecer o sucedido.
A compañía aínda non puido analizar o estado das instalacións tras o incendio do domingo e non poderá acceder ao interior para avaliar os danos ata ter garantías de que se fai en condicións de seguridade e contar co permiso das autoridades competentes. A Inspección de Traballo mantén importantes restricións no acceso ás instalacións pola presenza de amianto.
Galigrain insiste en que a seguridade e saúde laboral é "prioritaria" para eles e "unha das pedras angulares" da política da compañía, que ostenta para o desenvolvemento da súa actividade todos os permisos e protocolos de seguridade e prevención de riscos laborais necesarios, incluídas medidas antiincendios.
A través dun comunicado, a empresa insiste en que cumpre todos os requisitos e condicións legais esixibles, e emprega as mellores técnicas e prácticas dispoñibles.
Relacionadas:
-
VÍDEO.- Así están a retirar o material queimado dentro da nave de Pontesa
Por Redacción |
-
"Tres ou catro días" de traballo por diante para vaciar a nave de Pontesa e extinguir o seu incendio
Por Alejandro Espiño |
-
Esixen solucións "urxentes" ante o "insostible" problema do humo que emana de Pontesa
Por Redacción |
-
O incendio en Pontesa chega ao Parlamento de Galicia
Por Redacción |
-
Galigrain si ten na nave de La Cross medidas de extinción de incendios que faltaban en Pontesa
Por Natalia Puga |
-
Inspección da nave de La Cross onde opera o Grupo Nogar para comprobar as medidas de seguridade
Por Mónica Patxot & Anxo Lourido |
-
A Policía ultima o informe sobre o incendio de Pontesa
Por Natalia Puga |
-
O Grupo Nogar despide ao que "para nós será sempre o primeiro capitán do Xiada"
Por Alejandro Espiño |
-
A reactivación de pequenos focos e a presenza de amianto dificultan a investigación e extinción do lume de Pontesa
Por Natalia Puga | Creada e actualizada
-
A actividade de almacenaxe que se realizaba en Pontesa era "un polvorín" sen medidas de prevención nin licenza
Por Anxo Lourido |
-
Noite de traballo en Ponte Sampaio para extinguir o incendio na zona da Pontesa
Por Alejandro Espiño |