Denuncian o ataque de ansiedade sufrido por unha enfermeira tras quedar soa na atención do PAC de Marín
Por Diego Espiño
A Plataforma pola Defensa do Centro de Saúde de Seixo denuncia a caótica situación que se viviu unha xornada máis no centro de saúde de Marín, e máis concretamente no Punto de Atención Continuada (PAC) para atender ás urxencias.
Segundo o colectivo desde as 15.00 horas da tarde do venres "só houbo unha enfermeira nas urxencias do PAC de Marín que véndose soa, sen médico, e desbordada sufriu un ataque de ansiedade".
A profesional sanitaria tivo que ser substituída, enviando a xerencia un reforzo dunha segunda enfermeira a partir das 23.00 horas da noite, aseguran.
"Cando a Xunta trata así ao persoal as consecuencias sófrenas eles e tamén os pacientes. A Xunta debe coidar a quen nos coida", critica a Plataforma.
De feito o colectivo en defensa da atención sanitaria lembra que Marín, cunha poboación próxima aos 25.000 habitantes, debería contar con dous médicos no PAC "non un administrativo e unha enfermeira sós. É inadmisible que pretendan atender as urxencias no PAC e nos domicilios con só unha enfermeira", denuncian.
Nesta situación os casos urxentes que necesitaban atención médica foron derivados aos servizos de urxencia de Pontevedra.
Relacionadas:
-
O BNG volve pedir solucións para o centro de saúde de Marín, no que as Urxencias se viron "desbordadas"
Por Redacción |
-
O Consello de Colexios Médicos considera como "atallos ilegais" e "unha temeridade "deixar os PAC só con atención de enfermería
Por Diego Espiño |
-
Continúa a campaña de recollida de sinaturas para reclamar melloras na Atención Primaria de Marín
Por Redacción |
-
Arranca en Seixo a recollida de sinaturas da Iniciativa Lexislativa Popular pola defensa da atención primaria
Por Oskar Viéitez |
-
A Plataforma pola Defensa do Centro de Saúde de Seixo celebra un ano de loita veciñal
Por Redacción |