30 prazas dispoñibles para o Campamento Urbano de Nadal en Vilagarcía
Por Redacción
O Concello de Vilagarcía de Arousa convoca un Campamento Urbano de Nadal con trinta prazas dispoñibles para escolares entre os catro e os sete anos.
Esta proposta desenvolverase entre os días 23 e 30 de decembro e tamén entre o 2 e o 5 de xaneiro de 2023 no CEIP Arealonga.
As actividades que se poñerán en marcha inclúen obradoiros artísticos creativos, manualidades, xogos guiados e libres, entre outras iniciativas.
O prazo de inscrición ábrese este luns, día 21, e as solicitudes poderanse presentar ata o 30 de novembro a través de sede.vilagarcia.gal por internet ou acudindo ao Rexistro do Concello en horario de 08.30 a 14.30 horas, de luns a venres.