La Cross almacena 96.000 toneladas de gran, o dobre das que había na Pontesa
Por Alejandro Espiño
A orde de paralización da actividade na nave de La Cross, ditada polo Concello o pasado xoves, xa é efectiva. Aínda que, por agora, as instalacións non foron precintadas e o Grupo Nogar, a través da súa filial Galigrain, presentou un recurso contra esta instrución.
Os técnicos municipais están a analizar o escrito que rexistrou a compañía que, segundo explicou a edil de Seguridade Cidadá, Eva Vilaverde, se fundamenta inicialmente en que o Concello non é competente para poder ordenar a paralización da súa actividade empresarial.
Galigrain recoñece que na nave de Alba acumula unhas 96.000 toneladas de cereal en gran con fins alimentarios, o que supón o dobre do que se almacenaba na antiga Pontesa antes do incendio, e asegura que a orde municipal é "inexecutable".
Vilaverde sostivo que os responsables da empresa alegan que paralizar a actividade en La Cross supoñería un perigo maior para a cidadanía, ao quedar o gran almacenado e non poder realizar tarefas para o seu adecuado mantemento e refrixeración.
"Eles mesmos recoñecen que é un perigo para a poboación", engadiu.
O cereal, que como se comprobou en Pontesa pode autocombustionar, entre outras cousas, polo seu propio proceso de fermentación e as altas temperaturas, quedaría sen vixilancia, o que aumentaría as posibilidades de que se rexistre un novo incendio.
A edil do BNG avanzou que, en todo caso, mentres non se resolve este recurso a compañía non pode almacenar máis cereal en La Cross, pero si vixiar o actual, polo que por agora non se materializará o precinto das instalacións.
A este respecto, responsables de Galigrain mantiveron unha reunión cos técnicos municipais na que, segundo a concelleira, ambas as partes estudaron de que maneira se pode facer efectiva a orde e dotar a La Cross das adecuadas medidas de seguridade.
"É o que ten que aclarar a empresa e ver como se executa de xeito máis seguro", apuntou Eva Vilaverde, destacando que para o Concello a maneira rápida de cumprir a instrución é proceder ao baleirado da nave para poder facer as obras debidas nas instalacións.
De maneira paralela, o Concello enviou o informe da inspección realizada na nave á Axencia de Protección da Legalidade Urbanística (APLU) e á Consellería de Industria para que incoen un expediente contra a empresa polas irregularidades detectadas.
Relacionadas:
-
Falece un operario na Fábrica da Cross ao caer do tellado cando realizaba labores de reparación
Por Redacción | Creada e actualizada
-
Pontevedra censura a "pasividade" e o "escurantismo" da Xunta e Costas tras o incendio de Pontesa
Por Alejandro Espiño |
-
Un incendio nunha fábrica emblemática que tardou 21 días en sufocarse e levou a vida dun traballador
Por Alejandro Espiño |
-
Vinte e un días de traballo e 3,5 millóns de litros de auga para extinguir o incendio na Pontesa
Por Alejandro Espiño |
-
Extinguido o incendio en Pontesa despois de tres semanas
Por Oskar Viéitez |
-
Os donos de La Cross acatan a orde de suspensión de actividade pero recorrerán aos tribunais
Por Alejandro Espiño |
-
La Cross, suspendida de actividade por orde do Concello: "Non podemos permitir que o de Pontesa volva suceder"
Por Alejandro Espiño |
-
Galigrain si ten na nave de La Cross medidas de extinción de incendios que faltaban en Pontesa
Por Natalia Puga |
-
Inspección da nave de La Cross onde opera o Grupo Nogar para comprobar as medidas de seguridade
Por Mónica Patxot & Anxo Lourido |