O goberno local de Cuntis acusa ao PP de intentar "boicotear" o Polígono de A Ran
Por Redacción
O goberno local de Cuntis lamenta "o intento do Partido Popular de boicotear o avance do polígono industrial de A Ran" coa presentación de alegacións no último día da súa exposición pública ao convenio asinado con Suelo Empresarial del Atlántico e Consorcio Zona Franca de Vigo.
Un feito que o goberno local interpreta como "unha inexplicable estratexia para retrasar ainda máis unha infraestrutura que é clave para o futuro do municipio".
O alcalde de Cuntis, Manuel Campos recorda que a tramitación do polígono comezou hai 30 anos e que sempre contou co respaldo e o apoio de todas as corporacións. "Sen embargo, e debido á complexidade da tramitación, ata agora ningún goberno local conseguira un convenio con partida económica para iniciar un desenvolvemento polo que as empresas levan anos esperando".
Para Manuel Campos "resulta incomprensible que tras conseguir unha partida que supera os cinco millóns de euros para arrancar con este desarrollo o único que se lle ocurra ao Partido Popular sexa poñer paus nas rodas e retrasar, ainda que so sexa uns días, o proceso".
O alcalde de Cuntis envia unha "mensaxe de tranquilidade" ao tecido empresarial da contorna, co que manterá reunións a vindeira semana para aclarar que "o proxecto para o polígono industrial de Cuntis segue adiante a pesar do Partido Popular".
"Contestaranse as alegacións no prazo establecido e seguiremos adiante porque se as empresas están esperando polo solo, as familias de Cuntis están esperando que se creen postos de traballo no seu pobo. E mentras o Partido Popular pon atrancos nós seguimos traballando cos obxectivos moi claros", conclúe Manuel Campos.
Relacionadas:
-
Tragsa redactará os proxectos de reparcelamento e urbanización do parque empresarial da Ran
Por Redacción |
-
Cuntis aproba o convenio que desenvolverá o polígono da Ran cun proxecto de 6 millóns
Por Redacción |
-
Fundiciones Rey confirma ao director xeral de Sepes o seu interese no polígono da Ran
Por Redacción |
-
Novo paso adiante para o desenvolvemento industrial do polígono da Ran
Por Redacción |
-
Desbloquean o futuro polígono da Ran tras dar luz verde ao seu desenvolvemento
Por Redacción |
-
Zona Franca mostra o seu apoio para que Extrugasa se instale no polígono cuntiense da Ran
Por Redacción |
-
Unha empresa do sector do aluminio investirá 15 millóns de euros para instalarse no polígono de Cuntis
Por Redacción |