Rouban figuras e causan desfeitas na decoración do Nadal de Vilagarcía
Por Oskar Viéitez
Diante das desfeitas e roubos rexistrados nos últimos días nos distintos elementos de decoración do Nadal o Concello de Vilagarcía lamentou a "falla de civismo dunha minoría de persoas".
Nos últimos días alguén roubou a figura do oso polar que decoraba un dos xardíns efémeros na rúa Rey Daviña e unhas figuras de Buda noutro, ademáis de causar outros danos.
Dende o Goberno local censuraron estas actuacións que cando non atentan contra un elemento decorativo da asociación de comerciantes Zona Aberta, faino contra os que instala o propio Concello.
"A falla de respecto ao esforzo de todos os traballadores que participaron nesas montaxes é evidente, e o mesmo pode dicirse respecto do diñeiro público investido para que as rúas da cidade ofrezan un aspecto que sirva de dinamizador da sociedade e da economía local".
Con todo, dende o goberno local insístese en que a nota discordante pona "un moi reducido grupo de persoas que parece divertirse esnaquizando ou roubando algo que vai en beneficio de todos, incluídos quen cometen eses actos vandálicos".
Por outra banda, as figuras serán substituídas por outros elementos relacionados co Nadal, como pequenos árbores, flores de Pascua, e reforzando a iluminación.
Relacionadas:
-
Malestar en Vilaboa polo roubo de parte da decoración de Nadal do barrio de Cabadachán
Por Anxo Lourido |
-
Os ‘haters’ do Nadal esnaquizan a decoración en diferentes localidades
Por Redacción |
-
Anuncian a substitución das figuras decorativas de Buda roubadas polos vándalos en Vilagarcía
Por Redacción |
-
Retorna o autocine a Fexdega este Nadal con películas para público familiar
Por Redacción |
-
Trece centros educativos participan no Concurso de Decoración Sostible de Nadal en Vilagarcía
Por Redacción |
-
30 prazas dispoñibles para o Campamento Urbano de Nadal en Vilagarcía
Por Redacción |
-
Iluminaciones Santiaguesas encargarase do alumado das festas de Vilagarcía
Por Oskar Viéitez |
-
O Mercado de Nadal de Vilagarcía concéntrase este ano na Praza da II República
Por Redacción |