"Potenciar o transporte público", primeira promesa electoral do PP de Poio
Por Oskar Viéitez
O candidato do Partido Popular á Alcaldía do Concello de Poio, Ángel Moldes, presentou este martes a súa proposta para potenciar o servizo de taxi no municipio e crear unha liña urbana de autobús para facilitar os desprazamentos internos dos veciños.
Este é o primeiro compromiso electoral que Moldes fai público tras lanzar o seu lema "Vamos Poio" ás eleccións municipais de maio. O candidato popular cre que "existen moitas zonas do concello que están incomunicadas e precisan ter un servizo que garanta o desprazamento". "Necesitamos ter comunicadas as distintas parroquias e facilitar a mobilidade dos veciños", engadiu.
Ángel Moldes considera que Poio necesita "unha liña estable e periódica na PO-308, hai que cubrir as zonas interiores do concello cunha liña urbana que permita vertebrar e comunicar as distintas parroquias e é preciso potenciar o servicio do taxi no concello".
A intención do PP é facer un primeiro mes de funcionamento, unha serie de probas e consultas para estudiar a demanda real, con horarios e percorridos que teñan usuarios e ofrezan un bo servicio e, unha vez analizados, estabilizar as liñas, as frecuencias e os horarios.
Relacionadas:
-
Ángel Moldes presenta a súa proposta para dotar de beirarrúas a PO-303 en Samieira
Por Oskar Viéitez |
-
O PP de Poio adianta como será o Nadal se goberna no Concello
Por Oskar Viéitez |
-
O PP pon en valor en Poio o investimento da Xunta no saneamento da ría
Por Redacción |
-
Ángel Moldes presenta o seu proxecto 'Vamos Poio' para aspirar á alcadía
Por Redacción |