Vilagarcía aforra 100.000 euros na demolición do edificio da antiga Comandancia
Por Redacción
A liberación da parcela destinada a albergar o novo centro de saúde de Vilagarcía está a piques de converterse en realidade. A Xunta de Goberno Local aprobou este luns adxudicar os traballos de demolición do edificio da antiga Comandancia de Mariña á empresa Excavaciones J. Carreira S.L. por importe de 149.2315 euros.
A oferta desta empresa foi a mellor valorada entre as 13 que optaban ao contrato que se licitaba por importe de 249.691 euros, polo que o Concello aforrou nesta actuación 100.376 euros.
A adxudicación desta obra permitirá que o Concello acometa a principios de ano a demolición da Comandancia, actuación que se poderá levar a cabo tras firma da compra-venta dos terreos propiedade da Autoridade Portuaria por parte do Concello. Este trámite realizarase de xeito inminente ao dispor xa o Porto de todos os informes necesarios para rematar a tramitación. Como xa se sabe, o Concello abonará ao Porto 1.157.406 euros pola adquisición da parcela que conta cunha superficie algo superior aos 5.000 metros cadrados.
O seguinte paso será demoler o inmoble e despexar os terreos para poñelos a disposición da Xunta de Galicia a efectos de que a Consellería de Sanidade cumpra a segunda parte do acordo: a construción e dotación do novo centro de saúde.
Unha vez adxudicadas as obras de demolición e asinado o contrato, a adxudicataria disporá dun prazo de dous meses para executar o derribo e deixar a parcela libre de escombros. A superficie estimada a demoler acada os 2.907 metros cadrados, mentres que volume estrutural suma os 9.011 metros cadrados.
Relacionadas:
-
A Xunta solicita a licenza de obra para o novo centro de saúde de Vilagarcía
Por Redacción |
-
Así será o futuro centro de saúde de Vilagarcía, que custará case 14 millóns
Por Redacción |
-
As obras da glorieta entre a avenida de Cambados e a rúa Fontecarmoa empezarán a partir deste luns
Por Redacción |
-
Trece empresas pugnan por obter o contrato para demoler o edificio da antiga Comandancia de Vilagarcía
Por Redacción |
-
Vilagarcía aproba o proxecto de demolición da Comandancia co obxecto de adiantar a licitación da obra
Por Redacción |
-
Así gastará Vilagarcía os 2,2 millóns de euros do remanente do ano pasado
Por Oskar Viéitez |