Os socialistas reclaman "unanimidade na loita contra este espolio" ante o avance na tramitación dos parques eólicos
Por Oskar Viéitez
O grupo municipal do Partido Socialista en Cerdedo-Cotobade acaba de solicitar este martes que se convoque unha xunta de portavoces ante o avance na tramitación do Parque Eólico de Campo das Rosas.
Este luns, 9 de xaneiro, foi publicada a Declaración de Impacto Ambiental (DIA) favorable desta instalación que afecta principalmente á parroquia de Quireza.
Esta é a terceira DIA favorable que sae publicada nos últimos dous meses, Os Cotos publicouse o 25 de novembro afectando as parroquias de Borela, Rebordelo, Carballedo, Viascón, Loureiro e Aguasantas e posteriormente, o día 14 de decembro, saía a DIA favorable de Porto Vidros que afecta principalmente a Pedre e Corredoira.
A portavoz socialista, Ana Couto, leva pedindo desde a publicación da declaración dos Cotos unha xunta de portavoces "para acordar as actuacións xurídicas e técnicas que se vaian a adoptar e afrontar, desde unha posición de unidade, un problema tan grave como é o dos eólicos no noso concello".
Ana Couto lamentou que a súa petición, que vén reiterando con cada nova publicación, "sempre obtén a calada por resposta por parte da Alcaldía".
"Chama a atención que cando antes sempre se contaba coa oposición para demostrar unanimidade na loita contra este espolio, presumindo de ser a única corporación municipal que o facía, agora, coincidindo co preámbulo do ano electoral, o alcalde faga caso omiso das peticións do PSOE municipal e decida reunirse con algúns dos colectivos involucrados en solitario, querendo liderar a loita para a galería", afirmou a portavoz socialista.
"Queremos lembrar que este non é o momento para colgarse medallas sobre quen lidera a loita contra os eólicos, senón que o importante é unir forzas para evitar que se enterre o noso concello baixo a propagación dos parques eólicos e as súas infraestruturas", concluíu.
Relacionadas:
-
Pontevedra "fará todo o necesario" ante a autorización do parque eólico dos Cotos
Por Anxo Lourido |
-
Indignación no BNG e PSOE pola autorización de seis parques eólicos en Cerdedo-Cotobade
Por Redacción |
-
O PSOE da Lama asegura que Jorge Canda tramitou o parque eólico de Monte Peón e acúsao de "enganar" os veciños
Por Redacción |
-
Presentan máis de 600 alegacións ao proxecto do Parque Eólico de Monte do Pé
Por Redacción |
-
O Ministerio para a Transición Ecolóxica arquiva os parques eólicos Rula, Tramontana e Siroco
Por Oskar Viéitez |
-
"Eólica Así Non" organiza en Pontevedra unhas xornadas para a construción colectiva dun modelo enerxético alternativo
Por Redacción |
-
Concentración na Peregrina fronte á ameaza da "invasión eólica"
Por Cristina Saiz & Anxo Lourido |
-
Chaman a mobilizarse en Pontevedra contra o actual modelo de enerxía eólica
Por Redacción |
-
Haberá recursos xudiciais do Concello e dos comuneiros ao estudo ambiental de Os Cotos
Por Redacción |