Inditex pecha as súas tendas Bershka de Pontevedra e Vilagarcía e recoloca o persoal en Vigo
Por Natalia Puga & Manu Otero
O grupo Inditex pecha a finais deste mes de xaneiro as súas tendas da marca Bershka en Pontevedra e Vilagarcía de Arousa. Así llo comunicou a empresa este martes a todo o persoal de ambos os establecementos, conformado por unha decena de traballadoras en cada cidade.
A empresa notificoulles a decisión e tamén lles ofreceu a posibilidade de recolocación nun novo local que abrirá en Vigo. A nova tenda situarase na rúa Urzáiz, nun local que até hai uns meses ocupaba a marca Zara e quedou baleiro tras o seu traslado a unha macrotenda na rúa Príncipe.
Fontes do grupo confirmaron o peche, que está previsto para o día 30 deste mes de xaneiro.
Segundo puido saber PontevedraViva, o peche destas tendas de Pontevedra e Vilagarcía forma parte do plan de optimización das súas tendas físicas posto en marcha por Inditex no ano 2020, que incluía o peche de entre 1.000 e 1.200 establecementos en todo o mundo, entre 250 e 350 en España.
Tras coñecer a decisión do peche, as traballadoras mostraron sorpresa e malestar, pero a empresa tranquilizounas coa oferta da recolocación, que supón manter os seus mesmos contratos en Vigo e tamén un plus de transporte, segundo o acordado no seu día na negociación deste plan de optimización entre Inditex e os sindicatos UXT e CC.OO..
Nese plan tamén se abriu a porta a recolocación noutras tendas doutras localidades e os sindicatos e a multinacional téxtil pactaron que os novos contratos sexan de calidade. Ademais, a recolocación é inmediata.
A nova tenda de Urzaiz ten moito maior tamaño que as que actualmente existen na rúa Benito Corbal de Pontevedra e na rúa Arcebispo Lago de Vilagarcía. Isto implica que haberá opción de recolocación para todas as traballadoras dos puntos de venda que van pechar.
Relacionadas:
-
Inditex pecha todas as tendas de Kiddy's Class en España, entre elas a de Pontevedra
Por Alejandro Espiño |
-
As traballadoras de Bershka logran a recolocación das afectadas polo peche das tendas de Pontevedra e Vilagarcía
Por Oskar Viéitez |
-
Desconvocada a folga en Bershka
Por Redacción |
-
O goberno de Vilagarcía apoia as traballadoras da tenda de Bershka e pide a Inditex que reconsidere o peche
Por Redacción |
-
Folga indefinida en Bershka a partir do xoves polo peche das tendas de Pontevedra e Vilagarcía
Por Mónica Patxot & Redacción |
-
Zara Home abre a súa nova tenda en Benito Corbal
Por Alejandro Espiño & Mónica Patxot |
-
A mudanza de Zara Home á rúa Benito Corbal xa está en marcha
Por Redacción |
-
Sen descanso en Benito Corbal, que acusa o peche de Douglas e compénsao coa apertura de Tezenis
Por Natalia Puga & Mónica Patxot |
-
Uterqüe pecha a súa tenda de Pontevedra o próximo 31 de xullo
Por Alejandro Espiño |