Salcedo volve á rúa ante o novo atraso das obras do campo de fútbol
Por Redacción
A SCD Salcedo non pode máis. Ante o novo atraso anunciado nas obras de construción do campo de fútbol da parroquia, provocado pola quebra dunha das empresas adxudicatarias, volverán manifestarse polas rúas de Pontevedra.
Será o vindeiro venres 10 de febreiro, ás 19:30 horas, cunha mobilización que partirá do Hospital Provincial, segundo anuncia esta sociedade cultural e deportiva.
A entidade lamenta que, tendo a disposición os terreos desde 2020, tres anos despois "aínda seguimos sen instalacións", algo que atribúen ao "deixamento" do goberno municipal.
Lembran que "se tardou en formalizar o proxecto" e despois a obra atrasouse por problemas coas redes eléctricas e de abastecemento de auga, pero a quebra desta empresa foi a pinga que colmou o vaso.
O club sostén que "se coñece desde máis dun ano" a situación pola que atravesaba esta empresa e que ía renunciar ao proxecto. A pesar diso, aseguran, "esperouse ata agora" para sacalo de novo a contratación, para o que haberá que revisar o custo.
Este novo trámite, segundo a SCD Salcedo, atrasará varios meses máis este proxecto.
Relacionadas:
-
Sae a licitación pública o campo de fútbol de Salcedo por case dous millóns de euros
Por Anxo Lourido |
-
Salcedo volve manifestarse para reclamar a construción do campo de fútbol
Por Oskar Viéitez & Mónica Patxot |
-
O Concello inicia o expediente de licitación do campo de fútbol de Salcedo: "É unha cuestión prioritaria"
Por Redacción |
-
A SCD Salcedo convoca unha nova protesta para este venres reclamando a construción do campo de fútbol
Por Redacción |
-
O custo do campo de fútbol de Salcedo dispararase ata os 2 millóns
Por Alejandro Espiño |
-
O PP considera unha "tomadura de pelo" o novo atraso no campo de fútbol de Salcedo
Por Oskar Viéitez |
-
Volverán licitar as obras do campo de fútbol de Salcedo ao crebar unha das adxudicatarias
Por Oskar Viéitez |