Hierros Santa Cruz reitera a súa intención de non despedir empregados a pesar do ERE temporal presentado
Por Diego Espiño
O Expediente de Regulación de Emprego (ERE) presentado por Hierros Santa Cruz non suporá, segundo José Martín, ningunha extinción de contrato dos 53 traballadores incluídos no proceso de suspensión temporal.
O director comercial da empresa e irmán do deputado no Congreso, Telmo Martín, afirma que o obxectivo é manter todos os empregos, pero que a caída no volume de obra contratada obriga a facer reaxustes temporais que garantan o futuro da firma, "la ferralla es una subcontrata de la construcción, vamos al ritmo que marcan las obras y si baja ese ritmo nosotros nos resentimos".
Tal e como adiantou PontevedraViva, Hierros Santa Cruz solicitou un ERE de suspensión cunha vixencia de oito meses e un máximos de 180 días de afectación por traballador por motivos técnicos e organizativos.
Martín afirma que estas cifras poden variar en función da carga de traballo dos próximos meses, "estamos trabajando en nueva contratación y si hay carga no se acudiría al ERE. Se trata de utilizar una herramienta que nos permite evitar apuros económicos y poner en peligro la viabilidad de la empresa".
Dende a dirección de Hierros Santa Cruz cualifican a negociación cos responsables sindicais de positiva, "los sindicatos y los trabajadores son conscientes de la situación de la empresa y existe una buena predisposición y entendimiento".