Alumnado de dez países estranxeiros, con Francia e México á cabeza, chega ao campus de Pontevedra
Por Redacción
Preto dun cento de estudantes estranxeiros están a formarse no campus de Pontevedra. Aos 48 que xa iniciaron o curso no primeiro cuadrimestre, súmanse agora outros 38 que, nos últimos días, chegaron á cidade. Son, en total, 96 os alumnos que proceden doutros países.
O centro que acolleu o acto de benvida a estes novos estudantes, a Facultade de Comunicación, é ademais o centro con máis alumnado internacional do campus, sendo o destino de dezaseis destes 38 mozos e mozas.
Outros nove teñen como destino Belas Artes, mentres que Ciencias da Educación e do Deporte recibe seis estudantes internacionais e Dirección e Xestión Pública, cinco. Tanto a Escola de Enxeñaría Forestal como Fisioterapia acollen un estudante internacional neste cuadrimestre.
Con oito estudantes, Francia sitúase como principal país de orixe do alumnado internacional que chega ao campus nestes meses, mentres que México achega seis e Perú e Arxentina, cinco. Tamén hai estudantes de Italia, Turquía, Colombia, Estados Unidos, Chile e Corea do Sur.
Este alumnado procede tanto do programa comunitario Erasmus+, como dos convenios bilaterais que a Universidade de Vigo ten asinado con institucións académicas de diferentes países e do programa ISEP, de intercambio con Estados Unidos.
Relacionadas:
-
O Concello "fala" italiano e alemán a través de estudantes de intercambio
-
Estudantes de Educación deseñan proxectos para transformar o patio de recreo do CEIP A Xunqueira I
Por Redacción |
-
O Consulado itinerante de Colombia chega á Boa Vila para facilitar trámites aos seus concidadáns
Por Redacción |
-
Lores despide o estudantado do Erasmus que fixo o mural no lavadoiro de Mourente
Por Redacción |
-
Un grupo de estudantes do programa Erasmus interésanse polo modelo de cidade
Por Oskar Viéitez & Mónica Patxot |
-
Regresa a Vilaboa o alumnado do Toural que participou en República Checa nun programa Erasmus+
Por Redacción |