Máis de corenta veciños interésanse polos detalles das obras na Rúa do Adro e Porteliña
Por Redacción
Este domingo tivo lugar no Adro da Igrexa de San Salvador unha reunión informativa convocada pola Concellería de Promoción Económica e Urbanismo, para dar conta das obras que comezaron este luns na contorna da Rúa do Adro e Porteliña.
Xa está operativo o dispositivo especial de tráfico para garantir os accesos ao CEIP Viñas, con entrada desde o semáforo da PO-308. Por aí só poderán saír cara a estrada autonómico os buses escolares, o resto de vehículos deberán saír por Poio de Arriba.
Na reunión estiveron presentes preto duns 40 veciños afectados.
Entre outros detalles, o concelleiro Gregorio Agís informou de que hai habilitados dous aparcadoiros disuasorios nas proximidades, para garantir estacionamento mentres duran os traballos. Ademáis informouse doutros proxectos a desenvolver ou xa en execución en San Salvador.
No caso de Adro e Porteliña, o investimento total para a humanización, dotación de servizos e rehabilitación integral ascende a máis de 400.000 euros, provintes do Plan Concellos da Deputación de Pontevedra.
Relacionadas:
-
Cortes de tráfico alternativos na PO-308, na avenida da Porteliña, a vindeira semana
Por Redacción |
-
O Concello de Poio programa novas obras en Viñas, As Laxes, Tarrío e Arén
Por Redacción |
-
Poio xestiona un aparcadoiro disuasorio nas inmediacións de Anafáns
Por Redacción |
-
A veciñanza de San Salvador coñecerá este domingo a actuación na Rúa do Adro e na Porteliña
Por Redacción |
-
As obras na Rúa do Adro e na Porteliña cambian os accesos e saídas desde o CEIP Viñas
Por Oskar Viéitez |