Moreira asegura que a sentenza das dedicacións exclusivas é "una gran lección que Lores tiene que asumir"
Por Alejandro Espiño
Así valora Jacobo Moreira a sentenza do TSXG que anula o acordo plenario polo que os concelleiros populares perderon dúas das tres dedicacións exclusivas que tiñan. Unha vitoria xudicial, pero segundo o voceiro do PP, "sobre todo política", que lle sirve para advertirlle ao alcalde que "tiene que asumir las críticas, aceptarlas y, si es el caso, rectificar, porque esas son las reglas para vivir en democracia".
Moreira recordou que, precisamente, iso é o que recolle unha sentencia "contundente y sin paliativos", que a retirada dos soldos ao PP foi unha represalia do goberno municipal polas súas críticas á nova dedicación exclusiva para Miguel Filgueira, concelleiro do BNG. De aí que asegurara que "seguiré criticando todas aquellas decisiones que lo merezcan, que no quede ninguna duda. Es nuestra función y a nadie le puede molestar que cumplamos con ella".
Pero foi máis alá. Afirma que esta sentenza deixa claro que "Lores y su gobierno castiga a todos los que le llevan la contraria", e puxo como exemplo a veciños e comerciantes de Echegaray ou as nais do colexio San José, entre outros. E debe servir, dixo, "como un estímulo y un amparo para aquellos que protestan y sufren represalias", animándolles a que "no se callen y defiendan sus derechos" porque "la época de las represalias se tiene que acabar".
O Partido Popular confía agora en que Lores faga realmente todo o que poida por cumprir esa resolución do TSXG. Jacobo Moreira agarda "no tener que volver a pasar por el trance desagradable de denunciar al gobierno de mi ciudad" e non ter que pedir a execución da sentenza porque "es una cuestión de justicia y espero que el alcalde se olvide de su habitual tendencia a la insumisión frente a todo aquello que no le gusta".
En todo caso, o portavoz do PP xustificou a súa denuncia nos xulgados porque "los vecinos no nos perdonarían nuestro silencio ante el incremento del coste del gobierno", pero quixo deixar claro que "no se trata de una pelea por los sueldos". Moreira afirmou que os concelleiros populares "hemos demostrado que no estamos aquí por dinero y que la política es también vocación y servicio". Os seus compañeiros, dixo, "me han dado un ejemplo de entrega".
Por último, Jacobo Moreira acusou directamente a Miguel Fernández Lores de utilizar esta cuestión para "reventar" o grupo municipal do PP cunha crise que se saldou coa saída de tres dos seus concelleiros: José Manuel Guillán, Begoña Laya e Celia Soto. "Le salió mal la jugada", afirmó el portavoz popular. "Fue muy mezquino utilizar un tema tan sensible, me pareció muy ruín por su parte y así lo dice ahora el TSXG", concluiu.
O CONCELLO ESPERA A COLABORACION DO PP
Desde o Concello de Pontevedra tanto o alcalde, Miguel Fernández Lores, como o concelleiro de Persoal, Vicente García Legísima, reiteraron este xoves a súa disposición a cumprir coa sentenza, aínda que avanzaron que os servizos xurídicos "aínda a están estudando" porque a súa aplicación é bastante complexa. Por iso é polo que reclamasen ao Partido Popular a súa colaboración para estudar a fórmula máis adecuada para aplicala.
Entre outras cuestións, os populares deben indicar que concelleiros pasarán a contar con soldo municipal, xa que haberá que recalcular as asignacións que recibiron, por exemplo, por asistencia a plenos e comisións, diñeiro que terán que devolver se reciben a dedicación exclusiva. Ou haberá que aclarar se Begoña Laya, a única edil do PP que cobraba soldo dos tres que abandonaron o grupo, reclamará a parte que lle corresponde desta dedicación.
O goberno municipal ten un prazo de dous meses para cumprir a sentenza e farano, reiterou Lores, "despois de escoitar a todas as partes" e, sobre todo, aos servizos xurídicos municipais. Pero segundo o alcalde esta sentenza demostra que Jacobo Moreira "non é de fiar en absoluto" e que asegurou que "tomamos nota" dos seus continuos incumprimentos "dos orzamentos e dos compromisos alcanzados".
Relacionadas:
-
Jacobo Moreira, María José Rodríguez, Ricardo Aguilar e César Abal repartiranse os soldos do PP
Por Alejandro Espiño | Creada e actualizada
-
O TSXG devolve ao PP de Pontevedra as súas dedicacións exclusivas
Por Alejandro Espiño | Creada e actualizada