O principal acusado de montar un laboratorio de drogas en Meis recoñece os feitos e exculpa á súa nai
Por Oskar Viéitez & Mónica Patxot
A sección segunda da Audiencia Provincial de Pontevedra iniciou este xoves o xuízo contra unha nai e un fillo acusados de ser os responsables dun laboratorio de drogas desmantelado en Meis a principios de xuño de 2021, na bautizada como Operación Aceifa.
Durante a vista oral o principal acusado recoñeceu os feitos exculpando á súa nai.
A muller tamén negou a súa participación nesta actividade delituosa da que asegurou non saber nada.
O fiscal Antidroga, Pablo Varela, pide para cada un dos acusados a pena de 9 anos de prisión e multa de 1.091.000 euros, con responsabilidade persoal subsidiaria en caso de falta de pagamento da multa proporcional de 3 días de privación de liberdade por cada dez mil euros.
O caso procede do Xulgado número 2 de Cambados. A operación Aceifa foi desenvolta pola Udyco da Policía Nacional, e saldouse coa incautación de diferentes substancias, valoradas no seu conxunto polos peritos xudiciais nuns 280.000 euros.
O laboratorio estaba na casa unifamiliar na que residían os dous acusados e que está situada en Mosteiro, no concello pontevedrés de Meis, onde se interviñeron 1,1 quilos de cocaína; 737 gramos de heroína; 108 quilos de marihuana; 1,8 quilos de resina de cánnabis; 738 gramos de cristal; 407 gramos de crack; 50 litros de licor de marihuana e gran cantidade de substancia de corte para adulterar a droga. Ademais de diversa documentación e material para o tratamento da droga como unha prensa hidráulica, unha mesturadora industrial, secadoras, balanzas de precisión, entre outras.
Relacionadas:
-
Pontevedra, porta de entrada da heroína para España e Portugal
Por Natalia Puga |
-
Unha operación policial saca do mercado 24,5 quilos de heroína que alcanzarían os 1,5 millóns
Por Natalia Puga & Mónica Patxot |
-
Estafan diñeiro e xoias a unha pontevedresa co timo do tocomocho
Por Oskar Viéitez |
-
Meis mellora as condicións da ruta da Pedra e da Auga e da Aldea Labrega
Por Oskar Viéitez |
-
Piden nove anos de cárcere para dous acusados de montar un laboratorio de drogas en Meis
Por Oskar Viéitez |
-
Seis detidos tras desarticular un laboratorio de preparación de droga en Meis e incautar case un quilo de 'crack'
Por Natalia Puga & Mónica Patxot |