Andrés Díaz pide á Xunta a ampliación do polígono empresarial da Reigosa
Por Redacción
O alcalde de Ponte Caldelas, a través das redes sociais, manifestaba nas últimas horas diversas solicitudes á Xunta de Galicia. Entre elas destaca a demanda dunha ampliación do polígono empresarial da Reigosa.
Andrés Díaz asegura que o crecemento deste espazo é "imprescindible" para que máis empresas instálense no municipio xerando máis traballo e aumentando a poboación.
Indica que, neste momento, só quedan doce parcelas libres das 52 parcelas que se estenden por unha superficie total de 493.096 metros cadrados. Engade que varios deses espazos libres foron xa reservados.
Díaz indica tamén que coa urbanización da central de transportes, que está recollida nos orzamentos da Xunta de Galicia deste 2023 cunha partida de 300.000 euros, o polígono gañará 45 parcelas pequenas. O rexedor recoñece que existe unha ampla demanda por parte de pequenas e medianas empresas para estes terreos.
A ampliación que o goberno local solicita á Xunta está xa contemplada no Plan Sectorial de Áreas Empresariais da administración autonómica. O rexedor recoñece que a tramitación é longa e, por este motivo, xa se iniciou a solicitude. Díaz sinala que haberá un incremento da demanda de parcelas na Reigosa cando entre en funcionamento a nova autovía, con accesos próximos.
Esta solicitude coincide coa realizada tamén polo alcalde de Pontevedra, Miguel Anxo Fernández Lores, de ampliar o polígono empresarial do Campiño.
Por outra banda, o alcalde tamén lembra ao goberno galego que o Concello xa ten localización para que se constrúan tres novos equipamentos: a nova Casa do Pobo de Mirón, a Casa do Pobo de Gradín e a Casa do Pobo de Silvoso.
Relacionadas:
-
Xestur adxudica dúas parcelas no parque empresarial da Reigosa por máis de 950.000 euros
Por Redacción |
-
Andrés Díaz remata a rolda de presentacións da súa candidatura nas 33 aldeas de Ponte Caldelas
Por Oskar Viéitez |
-
Lores reclama a Rueda que abandone as "escusas de mal pagador" e amplíe O Campiño
Por Alejandro Espiño |
-
O PP de Pontevedra tamén pedirá á Xunta a ampliación do parque empresarial do Campiño
Por Oskar Viéitez |
-
O PP reivindica a súa xestión na posta en marcha do Polígono de Barro
Por Oskar Viéitez |
-
O PP responsabiliza a Lores de que non se creara "nin un só metro" de solo industrial en 24 anos
Por Redacción |
-
Pontevedra reclama ampliar O Campiño antes de 2026 para non "estrangular" a demanda de solo industrial
Por Alejandro Espiño |
-
A Xunta ofrece 112.000 metros cadrados de solo industrial na Reigosa a prezo bonificado
Por Redacción |
-
Andrés Díaz anuncia que FCC será a nova concesionaria do servizo de recollida do lixo
Por Oskar Viéitez |
-
A central de transportes modifica os seus usos e ábrese a proxectos industriais e terciarios
Por Oskar Viéitez |