Marín xa prepara as súas praias para a Semana Santa
Por Redacción
Se o bo tempo acompaña, as praias de Marín encheranse de bañistas na inminente Semana Santa. De aí que o Concello ordenara comezar a acondicionalas para estas festas.
Estes días comezaron os labores de limpeza nas praias para retirar maleza e outros obxectos que se veñen arrastrando aos areais polas mareas e os temporais.
Tamén se acondicionarán as baixadas ás praias de Portocelo e Mogor para facelas máis accesibles, debido a que os efectos das mareas e do inverno provocaron movemento de area, o que crea socavóns nestes accesos.
Ademais, tamén se iniciaron os traballos de roza do vial de praias, neste caso labores realizadas por parte dos traballadores de Juan XXIII.
O Concello decidiu, por outra banda, contratar o servizo de balizamento tamén para a época de Semana Santa, para que os que queiran darse o primeiro baño da tempada poidan facelo con seguridade.
Investiranse cerca de 10.000 euros en dotar a Portocelo, Mogor e Aguete deste servizo.
Relacionadas:
-
Intervención de emerxencia na praia do Santo ante o perigo de derrubamento do muro
Por Redacción |
-
Intensifican as rozas no rural marinense para a tempada de verán
Por Redacción |
-
A remodelación do Vial de Praias de Marín custará máis de 330.000 euros
Por Redacción |
-
O balizamento das praias de Marín durante Semana Santa custará 10.000 euros
Por Redacción |