Instan á Xunta a que transfira as competencias do polígono de Fragamoreira ao Concello de Poio
Por Oskar Viéitez
O grupo municipal do PSdeG-PSOE e Avante instarán á Xunta de Galicia a que transfira as competencias do polígono de Fragamoreira ao Concello de Poio. Será mediante unha moción conxunta que exporán no Pleno ordinario do martes 28 de marzo.
Esta iniciativa política pretende que "sexa a Administración do Estado a que poida realizar as xestións pertinentes para acabar co bloqueo do desenvolvemento do parque industrial".
Na moción tamén se solicita á Xunta que acometa a limpeza das parcelas da súa titularidade "algo que xa lle foi requirido desde o Concello en varias ocasións".
O PSdeG-PSOE e Avante Poio aseguran que o polígono de Fragamoreira é un proxecto "primordial e indispensable para dar resposta ás necesidades empresariais existentes en Poio", ao carecer o concello dunha área específica para o desenvolvemento do sector, a diferencia do que sucede noutros municipios limítrofes.
Según engaden, unha solución "viable" para retomar o proxecto e poñelo en marcha sería adoptar "unha fórmula similar á que seguimos para desbloquear a depuración de augas no Norte da Ría de Pontevedra", onde o Ministerio de Transición Ecolóxica chegou a un acordo con Poio, Sanxenxo e ACUAES para ampliar a EDAR de Paxariñas, proxecto que se atopa en proceso de licitación.
Relacionadas:
-
Poio solicitará a transferencia do polígono de Fragamoreira
Por Oskar Viéitez |
-
Carmela Silva felicita no Pazo de Besada o traballo dos socialistas nos gobernos locais
Por Redacción |
-
Zona Franca ofrece un estudio técnico para impulsar a creación do polígono empresarial de Fragamoreira
Por Redacción |
-
Pontevedra reclama ampliar O Campiño antes de 2026 para non "estrangular" a demanda de solo industrial
Por Alejandro Espiño |
-
O Concello de Poio insta á Xunta a limpar os terreos de Fragamoreira baixo risco de sanción
Por Redacción |