O Campo Lameiro C.D. leva ao campo de fútbol a candidatura a Capital do Turismo Rural 2023
Por Redacción
O Campo Lameiro C.D. decidiu envorcarse en apoiar a candidatura desta localidade a Capital do Turismo Rural 2023 e este domingo fará unha acción reivindicativa durante o partido de fútbol do Grupo V de Primeira Autonómica.
Será no Campo Municipal da Chanciña en Campo Lameiro uns minutos antes das 18.00 horas deste domingo 2 de abril, xusto antes do inicio do encontro entre o Caselas FC e o Campo Lameiro CD.
Os dous equipos posarán cunha pancarta na que pedirán o voto para a candidatura.
Campo Lameiro é un dos 10 concellos elIxidos en toda España, e o único galego, que opta a este título e, con esta acción, o equipo de fútbol local quere "dar a coñecer ao máximo de xente posible a candidatura".
A distinción como Capital do Turismo Rural, que impulsa o portal especializado EscapadaRural, distingue ao mellor destino rural do ano en España e que ten como obxectivo dar visibilidade aos municipios que apostan polo desenvolvemento do turismo rural.
Xunto a Campo Lameiro optarán a este premio Bocairent (Valencia), Candeleda (Ávila), Cardona (Barcelona), Colmenar de Oreja (Madrid), Elche de la Sierra (Albacete), Nalda (A Rioxa), Ricote (Murcia), Segura de León (Badaxoz) e Zerain (Guipúscoa).
O gañador será elixido por votación popular e o seu nome darase a coñecer o próximo 27 de abril. Ata o 24 de abril, os viaxeiros poden votar ao seu destino favorito a través da web desta plataforma.
Relacionadas:
-
Campo Lameiro presumirá de Capital do Turismo Rural en Fitur
Por Redacción |
-
Obxectivo cumprido: Campo Lameiro será a Capital do Turismo Rural 2023
Por Alejandro Espiño |
-
Últimas horas para votar a Campo Lameiro como Capital do Turismo Rural
Por Alba Feijoo Alonso |
-
Campo Lameiro, entre as dez vilas españolas que aspiran a ser Capital do Turismo Rural
Por Redacción |