Iván Puentes aposta por usar a Praza de Touros para actividades culturais e crear unha nova Biblioteca Pública
Por Oskar Viéitez
O candidato do Partido Socialista á Alcaldía de Pontevedra, Iván Puentes presentou este sábado algunhas das principais propostas do seu programa electoral en materia de cultura.
A implantación dun Bono Cultural para os colectivos con menor poder adquisitivo, o deseño dun Plan Cultural Estratéxico, a potenciación do uso da Praza de Touros para actividades culturais, a dotación dunha nova Biblioteca Pública do Estado ou Mediateca e a creación dunha Fábrica ou Contedor Cultural que funcione como espazo polivalente, cun pequeno auditorio, unha caixa de teatro desmontable, unha sala de ensaio para corais ou grupos teatrais e oficinas de empresas culturais, foron algunas das ideas propostas.
Estas iniciativas foron presentadas este sábado nos Soportais da Ferrería no marco do faladoiro 'Hoxe falamos de... Cultura', no que o candidato socialista e a número 6 da súa lista electoral, a profesora e artista Carmen 'Tita' Hermo, conversaron sobre como "converter Pontevedra nunha urbe cultural de referencia a nivel nacional e internacional".
Outros proxectos que deron a coñecer Puentes e Hermo foron a creación dun Centro de Interpretación do Camiño Portugués a Santiago, unha App da Axenda Cultural mantida e actualizada pola Concellería de Cultura, a posta en valor da Illa das Esculturas, a sinatura dun convenio de colaboración coa Facultade de Belas Artes para a promoción dos artistas locais e a celebración dun Certame Anual e unha Liguiña de Videoxogos.
Ademais, o programa co que os socialistas concorrerán ás eleccións do 28M tamén contempla o deseño dun mapa ou atlas cultural, o fomento da imaxe de Pontevedra como 'fervedoiro cultural', a posta en marcha dun Noites Abertas Sénior, a inclusión da cidade no roteiro dos grandes espectáculos musicais, a celebración dunha Bienal de Fotografía e dun Festival de Teatro Valle Inclán e a descentralización cultural, levando as actividades culturais a tódolos barrios e parroquias.
Relacionadas:
-
Miquel Iceta pide o voto para Iván Puentes porque "a Pontevedra le toca un buen meneo"
Por Manu Otero & Mónica Patxot |
-
Conxura socialista para que Pontevedra "esperte" e poder "meterlle unha nova marcha" á cidade
Por Alejandro Espiño & Mónica Patxot |
-
O PSOE propón implantar un protocolo de acoso ou abuso sexual en locais de lecer nocturno
Por Redacción |
-
Lage Tuñas asegura que o PSOE de Pontevedra "vai saír a competir de igual a igual" co BNG e co PP
Por Oskar Viéitez |
-
As Xuventudes Socialistas renacen en Pontevedra con David Fraga á fronte
Por Redacción |
-
Unha de cada tres candidaturas do PSdeG-PSOE para as municipais estrearán cabeza de lista
Por Redacción |
-
Yoya Blanco repite como número 2 da lista do PSOE ás municipais e Paloma Castro regresa á política local no 4
Por Natalia Puga |