CIG emprende "accións legais" contra o conselleiro Javier Guerra
Por Oskar Viéitez
O avogado da CIG, Gustavo García, comunicou á Xunta que emprende "accións legais" contra o conselleiro de Economía e Industria, Javier Guerra, e o director do Igape, Javier Aguilera.
O sindicato nacionalista adopta esta decisión ao entender que se están "propiciando" demoras no proceso relativo ás ofertas presentadas para a adquisición de centros de traballo da conservera Bernardo Alfageme, "facilitando" así que finalmente se realice unha poxa.
No escrito remitido ao propio Javier Guerra indícase que o sindicato entende que a "absurda demora" no proceso de adquisición que está supoñendo o proceso de recepción de ofertas "facilitaría" a realización da poxa por lotes dos bens da empresa, a cal "xa ten sinalada" o Xulgado Mercantil de Vigo que tramita o concurso desta conserveira.
Na misiva, o letrado recorda ademais que a "representación dos traballadores" e os administradores concursais "teñen xa aceptado as condicións económicas e de mantemento dos postos de traballo" ofrecidas pola firma El Consorcio, para as plantas pontevedresas de Ribadumia e Vilaxoán.
Así, advirte de que "si como consecuencia da intencionada demora deste proceso, chegase a frustrase definitivamente o mantemento de tantísimos postos de traballo" --uns 150--, tanto Guerra como Aguilera "poderían resultar personalmente responsables dun delito de prevaricación, polas súas actuacións e omisións neste proceso".
Por iso, previamente, o avogado comunica ao conselleiro no seu escrito "a interposición das correspondentes accións xudiciais".
Relacionadas:
-
Queda deserto o concurso por Alfageme ao entender o Igape que ningunha oferta "cumple los requisitos"
Por Alejandro Espiño |
-
A poxa de 'Miau', sobre a mesa do xuíz
Por Oskar Viéitez |
-
Os empresarios de Arousa implícanse na defensa de Alfageme
Por Redacción |
-
O IGAPE da cinco días a Pescamar para correxir a súa oferta sobre Alfageme
Por Oskar Viéitez |