Sae a licitación a primeira fase do mercado de abastos de Sanxenxo
Por Redacción
O Concello de Sanxenxo acaba de licitar a primeira fase do mercado de abastos de Sanxenxo, onde incluirá o soterramento do tráfico dun tramo da Rúa de Madrid cun aparcamento con 32 estacionamentos e unha gran praza.
Con este proxecto, o que queren é xerar un espazo e amplialo para o peón, pero sen perder a funcionalidade rodada que se necesita. Por iso, humanizarán a contorna da praza de abastos mediante o soterramento do tráfico na Rúa de Madrid e ata a súa intersección coa estrada autonómica PO-308, que une Pontevedra coa Lanzada.
Esta primeira fase licitarase a próxima semana e está previsto que poida comezar en setembro tras o parón do verán. O obxectivo é construír un novo edificio que albergue o novo mercado, unha sala de estudos, unha biblioteca, unha sala polivalente e unha terraza con bar-restaurante.
Para a execución desta intervención, o Concello convocou un concurso de ideas na que se inclúe o novo edificio do mercado e dependencias municipais. A proposta gañadora, ademais da dotación dese novo equipamento municipal, ofrece solución aos problemas de circulación na zona, evitando a conxestión de tráfico e a inseguridade. A intervención reduce o espazo urbano destinado á circulación de vehículos e curmá a rexeneración de espazos públicos nos que os peóns gañen protagonismo.
O financiamento correrá a cargo do goberno galego, que achegará un millón de euros, e o propio Concello, que executará os traballos e achegará o investimento restante de algo máis de 1,3 millóns. A actuación sae a concurso por 2.396.016 euros e o prazo de execución estimado da obra é de 12 meses.
Relacionadas:
-
Arrancan con cambios de tráfico as obras da primeira fase do mercado de Sanxenxo
Por Redacción |
-
A primeira fase da reforma do mercado de Sanxenxo esperta o interese de cinco empresas
Por Redacción |
-
Máis fondos para axudas de emerxencia social en Sanxenxo, 155.131 euros para catro anos
Por Redacción |
-
A obra do bulevar de Portonovo paralizarase desde o 30 de xuño ata o 3 de setembro
Por Redacción |
-
Máis de 40 opcións culinarias diversas no inicio do Portonovo Gastronómico
Por Redacción |
-
Os doce proxectos cos que Telmo Martín quere liderar Sanxenxo cara 2027
Por Alejandro Espiño & Mónica Patxot |
-
Ceden un local municipal en Vilalonga para o Banco de Alimentos Rías Baixas
Por Redacción |