Detectan petróglifos danados pola acción da maquinaria de construción do parque eólico do monte Acibal
Por Redacción
Novo achado de elementos patrimoniais no Monte Acibal. O colectivo Amil Sen Eólicos alerta da presenza do primeiro panel completo de petróglifos que detectan na zona das obras que se realizan para a instalación do parque eólico.
Segundo esta agrupación que mantén a súa loita en defensa do Monte Acibal, o panel atópase xusto á beira dun dos bens comunicados hai dous meses tanto á Consellería de Patrimonio como á de Industria e que agora está valado. Os novos elementos permanecen rodeados de pedras esnaquizadas, que xa foron utilizadas como recheo, segundo advirten.
Ademais, indican que estes petróglifos sufriron danos polas máquinas que utiliza a empresa Norvento durante a execución dos traballos, tanto pas como maquinaria pesada que, segundo Amil Sen Eólicos, causaron danos irreparables nestes elementos.
Manifestan tamén que o descubrimento deste panel completo a menos de cinco metros do petróglifo protexido mostra que a Dirección Xeral de Planificación Enerxética e Recursos Naturais non realizou os estudos a fondo para protexer os novos elementos arqueolóxicos.
Amil Sen Eólicos denuncia a falta de acción por parte das autoridades responsables na preservación do patrimonio e xa informou formalmente ao Concello, á Consellería de Patrimonio e á de Industria sobre estes novos achados, que se incorporarán á denuncia que a plataforma presentou ante a Fiscalía.
Fronte esta nova situación, o colectivo esixe a paralización urxente das obras para evitar que continúen a destruír estes elementos patrimoniais.
Relacionadas:
-
Multitudinaria mobilización en Amil "contra os gobernos e especuladores"
Por Redacción |
-
A xustiza suspende de xeito cautelar as obras do parque eólico de Monte Acibal
Por Redacción |
-
Amil Sen Eólicos presentará o 'Manifesto contra o espolio dos nosos montes e os seus bens'
Por Anxo Lourido |
-
O TSXG rexeita suspender de forma urxente a autorización do parque eólico de Acibal e ordena seguir co trámite xudicial ordinario
Por Redacción |
-
O Consello da Cultura Galega insta a abordar os proxectos eólicos de forma "máis coidadosa e integrada"
Por Redacción |
-
"Indignación" por un novo impacto dos proxectos eólicos no Monte Acibal, a desaparición da Pisada do Mouro
Por Redacción |
-
Amil Sen Eólicos denuncia o inicio de voaduras no Monte Acibal sen a revisión de Patrimonio e Augas de Galicia
Por Redacción |
-
'O Devalar do Monte Galego', unha mostra para poñer en valor o monte fronte ás macroinstalacións eólicas
Por Redacción |
-
Celebran un Via Crucis en Moraña para protestar contra o parque eólico do Acibal
Por Redacción |
-
A Real Academia de Belas Artes entende que o Monte Acibal non é "o máis indicado" para a instalación dun parque eólico
Por Redacción |
-
Denuncian a destrución de elementos prehistóricos balizados na zona de obras do parque eólico do monte Acibal
Por Redacción |
-
Veciños de Amil reportan oito novos casos de patrimonio en perigo polas obras do parque eólico no monte Acibal
Por Redacción |