O Sergas, partidario de consolidar o protocolo de atención a nenos e nenas con diabete
Por Redacción
O xerente da área sanitaria de Pontevedra e O Salnés, José Manuel Flores Arias, amosouse partidario de consolidar o actual protocolo interno de atención específica á diabetes en idade infantil nos centros sanitarios públicos.
O responsable da área sanitaria avogou por esta consolidación durante unha reunión con integrantes da Asociación de Nenas, Nenos e Xente Nova con Diabetes de Galicia (Anedia), celebrada no Hospital Montecelo.
Foi un encontro técnico no que tamén estiveron o xefe de servizo de Endocrinoloxía do Complexo Hospitalario Universitario pontevedrés, o doutor Pablo Fernández Catalina, e a subdirectora asistencial da área médica, a doutora Dolores Pan Vázquez.
Os responsables de Anedia repasaron cos responsables directivos e médicos diversas iniciativas asistenciais relativas á mellora da asistencia sanitaria que o Servizo Galego de Saúde presta aos nenos con diabetes.
Tamén perfilaron unha posible colaboración estival por parte de nutricionistas e endocrinos do Complexo Hospitalario Universitario pontevedrés, así coma de profesionais do centro de saúde de O Grove no transcurso dun campamento infantil que se celebrará nesta localidade arousá entre os vindeiros 27 de agosto e 1 de setembro de 2023.
Os profesionais da área sanitaria darían diversas pautas de saúde e consellos preventivos orientados ao benestar do colectivo de menores con diabetes.
Relacionadas:
-
'Eu son tipo 1, e ti?', a pregunta que axuda a concienciar sobre a diabetes
Por Redacción |
-
O conselleiro asegura que este verán "a situación vai ser moitísimo mellor que o ano pasado" en Atención Primaria
Por Oskar Viéitez & Mónica Patxot |
-
Récord de postos na cuarta edición de Pontesán, a feira que promove hábitos de vida saudables
Por Mónica Patxot & Anxo Lourido |
-
Anedia organiza unha charla-taller sobre diabetes impartida por unha enfermeira diabética
Por Redacción |
-
Regresou a Milla Solidaria Anedia coa súa novena edición para poñer o foco na diabetes
Por Redacción & Cristina Saiz |
-
O Sergas reorganiza servizos e mantén a consulta especializada para nenos diabéticos
Por Natalia Puga |
-
Sesenta nenos diabéticos quedan sen atención especializada polo peche da consulta infantil no Provincial
Por Natalia Puga |