Protesta da CIG fronte AEMPE polo V Acordo polo Emprego e a Negociación Colectiva
Por Mónica Patxot & Redacción
Tras manter unha asemblea matinal nos locais sindicais, representantes da CIG concentrábanse este xoves ante a sede da asociación de empresarios da pequena e mediana empresa de Pontevedra (AEMPE) en Virxe do Camiño.
Alí protestaron polas consecuencias que o sindicato nacionalista entende que vai propiciar o V Acordo polo Emprego e a Negociación Colectiva, que asinaron as centrais CCOO e UXT con CEOE e CEPYME.
Consideran que limitará a subida dos salarios e freará as mobilizacións en demanda de melloras nas condicións laborais e económicas, coa posibilidade de que se privatice a sanidade pública a favor das mutuas de seguros.
Desde a CIG afirman que o incremento do 3% pactado ofrece unha trampa ao limitar a revisión salarial anual ao 1%, mesmo se o IPC resulta superior e nin sequera xera atrasos, de maneira que só aplicaríase o 1 de xaneiro do ano seguinte.
Afirman tamén que este acordo fomentará a precariedade e a inestabilidade ao institucionalizar, con períodos de proba, o despedimento libre e gratuíto.
Relacionadas:
-
Protestas na empresa téxtil Vertifil de Moraña polo despedimento de persoal
Por Redacción |
-
Readmitida a delegada da CIG que fora despedida da residencia Soremay
Por Redacción |
-
"O que queren son escravos", tensión no sector do metal
Por Redacción |
-
A CIG alerta da situación de emerxencia social que vive o país pola precarización laboral
Por Cristina Saiz & Anxo Lourido |
-
'Paremos o saqueo', lema da CIG para a manifestación do 1º de maio reivindicando a acción sindical de "confrontación"
Por Mónica Patxot & Anxo Lourido |