Preocupación da comunidade escolar do IES Valle Inclán sobre as obras de reforma do centro
Por Oskar Viéitez
O BNG rexistrou varias preguntas parlamentares sobre as obras de reforma integral do IES Valle Inclán, unha actuación que foi incluida reiteradamente nos orzamentos dos últimos anos e finalmente no mes de febreiro de 2023 adxudicouse por 4,63 millóns de euros a Construcciones Ramírez, a única empresa que se presentou á licitación.
A concesión de licencia municipal estaba pendente do oficio de dirección de obra e o proxecto para instalar unha rede separativa de pluviais e fecais, posto que o edificio do instituto, ao ser tan antigo, carece dela.
O parlamentario do BNG, Luís Bará sinalou que "o estado de deterioro do edificio histórico do instituto fixo que se fose ampliando progresivamente o alcance das obras", que finalmente inclúen a reforma e rehabilitación das cubertas, limpeza e aillamento térmico de fachadas, carpintaría exterior, reforzo da estrutura horizontal, renovación de caldeiras, sistema de ventilación, abastecemento de auga, aseos e vestiarios.
O BNG faise eco da "enorme preocupación das familias" sobre o desenvolvemento das obras e a dificultade para facela compatible coa actividade docente.
"A inquedanza da comunidade escolar vese acrecentada pola falta de información sobre a compatibilidade das obras coa actividade docente e as alternativas que se barallan sobre o traslado total ou parcial das clases a outro emprazamento, horarios de desenvolvemento das clases e atención a necesidades de conciliación", sinala o parlamentario nacionalista.
O grupo parlamentario do Bloque preguntará sobre o calendario que manexa a Xunta para o comezo e desenvolvemento das obras, se considera o goberno galego que unhas obras destas dimensións son compatibles coa actividade docente e se ten previsto a Xunta a opción de traslado parcial ou total da actividade docente a outro edificio.
Ademáis, no caso de preverse o citado traslado, o BNG quere saber que alternativas manexa a Xunta en canto a novas instalacións, grupos afectados e horarios.
Relacionadas:
-
A comunidade educativa concéntrase para saber "para cando?" empezarán as obras do Valle Inclán
Por Natalia Puga & Cristina Saiz |
-
Educación explica á comunidade educativa do Valle Inclán o plan para as obras no instituto
Por Redacción |
-
Primeiro paso para o inicio das obras de rehabilitación do IES Valle Inclán
Por Redacción |
-
Lores apoia a proposta de Educación de instalar módulos en Montero Ríos durante as obras no IES Valle Inclán
Por Anxo Lourido & Mónica Patxot |
-
O alumnado de Bacharelato do Valle Inclán trasladarase en outubro a aulas móbiles na avenida de Montero Ríos
Por Oskar Viéitez |
-
Educación xa pode comezar as obras de reforma do IES Valle Inclán
Por Alejandro Espiño |
-
A licenza para reformar o IES Valle Inclán, pendente de dous requirimentos á Xunta
Por Alejandro Espiño |
-
Retiran pezas das Ruínas de San Domingos ante as inminentes obras no IES Valle Inclán
Por Alejandro Espiño |
-
Licitada por 4,7 millóns de euros a reforma integral do Instituto Valle-Inclán
Por Redacción |
-
A reforma do IES Valle-Inclán comezará en 2023 cun orzamento de 4,7 millóns
Por Cristina Saiz & Anxo Lourido |