A Brilat, preparación co calendario de misións aberto polo escenario internacional "cambiante" e "complexo"
Por Natalia Puga & Mónica Patxot
A Brigada Galicia VII, Brilat, non ten actualmente ningunha misión internacional no horizonte, pero continúa coa súa preparación tanto para posteriores despregamentos como para formar parte da estrutura de forzas militares asignadas a Nato Readiness Initiative (NRI) da OTAN.
Así o lembrou este mércores o responsable da Brigada, o xeneral de brigada Alfonso Pardo de Santayana Galbis, que, tras catro meses no cargo, está "encantado" coa unidade e con Pontevedra e avanza que están "inmersos en un año de preparación".
Os militares da Brigada están a se preparar "para lo que nos ordenen", pero sen saber que será, pois, tal e como destaca o xeneral, o escenario internacional actual é "muy abierto", "muy cambiante" e "muy complejo".
O Exército español ten actualmente operacións en África "en entredicho" e a Unión Europea está a se retirar de Malí, de modo que non existe un calendario preestablecido de misións. A dous anos vistas poden ter por diante misións en Líbano ou Malí, pero matiza que "no tengo ni idea de si van a seguir estas misiones en curso o si nos van a tocar a nosotros o no".
Nun escenario "cada vez más complejo" os ciclos de rotacións nas misións estables de anos atrás agora son auga pasada e "lo que hay que hacer es tener a la gente preparada para hacer lo que tenemos que hacer y ya está".
O mellor activo da Brilat é, "sin duda", a súa xente e prepáranse de forma constante para estar en condicións de cando lles asignen unha misión poidan cumprila "de la mejor maneia posible".
O xeneral realizou estas valoracións aos medios de comunicación este mércores con motivo da parada militar organizada na base General Morillo da Brilat para conmemorar o 57 aniversario da Brigada.
Durante o seu discurso, insistiu en que o "orgullo" da Brigada aséntase na súa "búsqueda constante de la excelencia", entendida como a capacidade de saber exercer a profesión das armas e cumprir a misión asignada con eficacia e afán de superación.
Isto implica posuír uns coñecementos actualizados e usalos convenientemente no momento oportuno, aproveitando todos os recursos dispoñibles. Para poder estar orgullosos, lembrou que deben estar "moral, física, intelectual y técnicamente preparados para ser eficientes cada día", adaptándose á evolución constante da sociedade e do Exército. Por iso, a súa preparación debe ser constante.
Como exemplo da importancia desa preparación e do prestixio da Brigada, mencionou operacións en territorio nacional Balmis ou Baluarte, realizadas durante a pandemia, e tamén os despregamentos anuais na operación 'Centinela Gallego' e as súas operacións no exterior, nas que presume de que se gañou un merecido prestixio, "llevando orgullosamente el nombre de Galicia por todo el mundo, desde los Balcanes, a las lejanas tierras de Irak, Afganistán o Malí".
Dentro desa preparación constante, unha parte da brigada non puido acudir a esta parada militar porque está a realizar un exercicio de preparación do continxente encadrado na Nato Readiness Initiative no centro de adestramento de San Gregorio. Ao redor de 800 militares de diferentes unidades da Brigada desprazáronse a este campo de manobras de Zaragoza para participar nunhas manobras preparatorias.
Relacionadas:
-
A Brilat poñerá en práctica a súa capacidade de despregamento e repregamento loxístico en Eslovaquia
Por Natalia Puga |
-
Os militares da operación Centinela Gallego realizaron en mes e medio 30 avistamentos de lume
Por Natalia Puga |
-
Volve a operación Centinela Gallego, unha acción "única a nivel estatal" contra os incendios
Por Natalia Puga & Cristina Saiz |
-
"Raptárono, os piratas, raptárono"
Por Oskar Viéitez |
-
Os militares volverán ao monte coa operación Centinela Gallego a partir do 15 de agosto
Por Natalia Puga & Mónica Patxot |
-
Un día para reforzar os vínculos da Brilat coa Policía Nacional, o Gremio de Mareantes e o Camiño Portugués
Por Natalia Puga & Mónica Patxot |
-
Exhibición de material da Brilat na Alameda de Pontevedra
Por Cristina Saiz & Redacción |
-
A Brilat fará unha proba piloto para abrir o concurso de patrullas Tui-Santiago aos civís
Por Natalia Puga |
-
Xeneral Pardo de Santayana: "A incerteza pode ser o onde e o cando podemos despregar, pero o resto témolo claro, preparación"
Por Natalia Puga |
-
O xeneral Alfonso Pardo de Santayana, regreso á casa cos máximos galóns e o reto de que a Brilat "siga sendo magnífica"
Por Natalia Puga & Mónica Patxot |
-
A Brilat encara 2023 co reto de preparar a 1.500 militares na nova iniciativa NRI da OTAN
Por Natalia Puga |