Denuncian que a "precariedade" do servizo de Pediatría en Cerdedo, Forcarei e Tenorio "agravouse" nas últimas semanas
Por Redacción
A plataforma Cerdedo pola Sanidade Pública volve denunciar a "precariedade" da atención sanitaria que reciben os pacientes do centro de saúde de Cerdedo e, nesta ocasión, centra as súas críticas no servizo de pediatría que se recibe na zona de Cerdedo, Forcarei e Tenorio.
Así, protestan polo "abandono" dos pacientes en idade pediátrica, que habitualmente só reciben atención dous días á semana (martes e xoves) no consultorio de Forcarei, xa que o servizo de Pediatría está compartido con Cotobade, onde está o resto dos días da semana.
Esta crítica realízana agora porque esa atención habitual empeorou nos últimos días. "A situación agravouse", aseguran porque esa praza de Pediatría compartida quedou vacante por abandono da titular anterior. Aínda que se incorporou unha nova titular, non vai atender as consultas que anteriormente se facían en Forcarei e, ademais agora mesmo está de vacacións
Esta plataforma fala dunha situación "irregular e preocupante" e poñen como exemplo o acontecido cun neno de dous anos da zona de Quireza (Cerdedo), que pasou 10 días con febre moi alta, en ocasións chegando aos 40 graos, "sen ter un diagnóstico concreto nin un tratamento adecuado".
Segundo a explicación desta plataforma, ao non haber pediatra en Forcarei, a enfermeira non podía asumir o tratamento, a familia acudiu ao centro de saúde de Cerdedo, sen pediatra, e finalmente ao servizo de Urxencias Pediátricas no Hospital Provincial de Pontevedra. "A perda de tempo e o peregrinar co neno dun lugar a outro provocou un empeoramento do neno e un gran malestar na familia", aseguran.
Cerdedo pola Sanidade Pública reclama que se recupere o servizo de Pediatría no seu centro de saúde, ou polo menos que funcione varios días todas as semanas nos centros máis próximos de Forcarei ou Cotobade.
Relacionadas:
-
O Sergas ultima o servizo de pediatría en Cerdedo-Cotobade, con consulta dúas tardes á semana
Por Redacción |
-
A plataforma Cerdedo pola Sanidade Pública lamenta que a xerencia non ofreza solución ás carencias de atención pediátrica
Por Redacción |
-
A Plataforma de Cerdedo pola Sanidade Pública aplaude que recupera a matrona en Tenorio
Por Redacción |
-
Alertan da "situación crítica" en Cerdedo-Cotobade, sen medicina de familia nin pediatría en agosto
Por Redacción |
-
A Lama, Cerdedo-Cotobade e Ponte Caldelas compartirán un novo pediatra
Por Redacción |
-
Piden que se investigue a "posible desatención médica" a un mozo falecido en Cerdedo
Por Oskar Viéitez |
-
Este é o informe da situación na área sanitaria de Pontevedra que o conselleiro expuxo aos alcaldes
Por Redacción |
-
Jorge Cubela dá explicacións sobre os seus intentos para solucionar a falta de médico no centro de saúde de Cerdedo
Por Redacción | Creada e actualizada
-
Unha fronte de alcaldes pide que Rueda asista á reunión para tratar a situación sanitaria do distrito de Pontevedra
Por Mónica Patxot & Anxo Lourido |
-
Recollida de firmas nos centros de saúde de Cerdedo-Cotobade en apoio á sanidade pública
Por Redacción |
-
Novas críticas sobre a situación sanitaria: un só médico dará cobertura os centros de Carballedo e Tenorio
Por Redacción |
-
Os socialistas reclaman unha actuación integral para mellorar a atención sanitaria en Cerdedo-Cotobade
Por Redacción |