Éxito de público no arranque das Noites de Monólogos coa actuación do actor Luis Zahera
Por Cristina Saiz & Redacción
A espontaneidade do actor compostelán Luís Zahera abría este luns 1 de agosto as Noites de Monólogos que ao longo da semana desenvolveranse nas pistas de Campolongo dentro da programación das Festas de Verán do Concello de Pontevedra.
Zahera ofrecía o seu monólogo 'Chungo' ante o numeroso público que encheu o espazo para gozar dos relatos e historias persoais do actor que logrou éxitos con películas como 'El reino', 'Celda 211' e series como 'La Unidad', 'Vivir sen permiso', 'Entrevías' ou a histórica 'Mareas Vivas'. O seu monólogo fixo un percorrido polas anécdotas vividas desde a súa infancia ata as súas experiencias cinematográficas.
Este martes subirase ao mesmo escenario o cómico de Salceda de Caselas, David Amor, a partir das 22.30 horas con entrada libre. Ao longo da semana, outros humoristas como Carlos Blanco, Xosé Antonio Touriñán e Marta Doviro ofrecerán as súas historias máis divertidas neste espazo ao aire libre.
MARTES DE MAXIA
A programación tamén inclúe este martes outras dúas actuacións. A partir das 19.00 horas, o mago Adrián Conde ofrecerá o seu espectáculo de maxia 'Piccolo Camerino' na Alameda nunha sesión infantil.
A partir das 20.30 horas, o escapista Víctor Cerro ofrecerá a súa proposta de 'Desafíos extremos. Home Diana e Porta do Inferno' na praza de España.
As entradas son libres a estes dous espectáculos.
Relacionadas:
-
Marta Doviro comparte en Campolongo as súas vivencias como "unha rapasa da costa"
Por Redacción |
-
A ironía de Carlos Blanco volve triunfar en Pontevedra
Por Cristina Saiz & Redacción |
-
É tempo para a maxia na Boa Vila
Por Cristina Saiz & Oskar Viéitez |
-
Monólogos, maxia, actividades infantís ou Voz de Muller, na primeira semana de agosto en Pontevedra
Por Redacción |
-
Oito días dunhas Festas da Peregrina que serán "como as recordábamos"
Por Alejandro Espiño |
-
Zahara e Camela amenizarán as Festas da Peregrina os días 14 e 21 de agosto
Por Alejandro Espiño |