O delegado de Zona Franca promete ampliar o polígono de O Campiño se Iván Puentes é alcalde
Por Manu Otero
O candidato do PSOE á Alcaldía de Pontevedra, Iván Puentes, estivo este venres no polígono de O Campiño acompañado polo delegado de Zona Franca de Vigo, David Regades, para visitar as obras de construción da nova nave que a empresa Setga está a edificar neste terreo.
Despois de encomiar o bo traballo en materia de emprego, innovación e xeración de riqueza en Pontevedra por parte desta firma, o candidato socialista mostrou o seu compromiso pola creación de postos de traballo e facilitar a actividade empresarial na Boa Vila. "Temos que atraer máis empresas a Pontevedra, que é unha cidade referente polo seu modelo amable e mobilidade sostible, algo que é perfectamente compatible con ser unha referencia na industria verde", defende Iván Puentes.
Con todo, para converterse nun polo industrial, Pontevedra debe modificar o seu Plan Xeral de Ordenación Municipal (PXOM). "Nestes momentos hai cero metros cadrados dispoñibles de chan industrial nos polígonos de O Campiño e O Vao", criticou o actual concelleiro de Desenvolvemento Sostible prometendo unha modificación inmediata do documento para ampliar o chan industrial na cidade se é elixido alcalde.
E como de promesas electorais ía a cousa, David Regades, delegado de Zona Franca de Vigo e secretario xeral do PSOE na provincia de Pontevedra, decidiu subir a aposta. "Se Iván Puentes é alcalde, Zona Franca asinará un convenio co Concello de Pontevedra para desenvolver a ampliación do polígono de O Campiño", dixo o socialista. Unha promesa de 200.000 metros cadrados de chan industrial á que Xestur, que segundo o PSOE oponse a ampliar este recinto, non se negará.
Con todo, se as urnas ditan outro camiño, un escenario que Regades "non contempla", a firma do convenio quedaría no aire. Aínda así, o próximo pleno de Zona Franca servirá para aprobar a inclusión dunha partida para a ampliación do polígono de O Campiño nos orzamentos de Zona Franca.
En cambio, o propio candidato do PSOE asegurou que, se finalmente non resulta elixido alcalde, "non faría o que fan outros, independentemente de quen consiga os investimentos para Pontevedra contará sempre co meu apoio".
Relacionadas:
-
Gómez Besteiro evidencia o apoio do Goberno ao proxecto de Iván Puentes
Por Manu Otero & Mónica Patxot |
-
Iván Puentes destaca a súa xestión en Medio Ambiente e os 25 millóns que o Goberno destinará a Pontevedra
Por Oskar Viéitez & Mónica Patxot |
-
Iván Puentes comprométese a dotar Monte Porreiro dunha Unidade de Atención Social
Por Redacción |
-
Iván Puentes promete un programa de bolsas de inglés que financiará estadías no Reino Unido e Irlanda a alumnado de Secundaria
Por Oskar Viéitez & Cristina Saiz |
-
28M | Pontevedra trasnoita para vivir os primeiros compases da campaña electoral
Por Alejandro Espiño & Mónica Patxot |
-
28M | Nove aspirantes e un único obxectivo: a Alcaldía de Pontevedra
Por Alejandro Espiño & Mónica Patxot |
-
A veciñanza da rúa Serra coñece os detalles dun novo parque para a zona, con áreas de descanso e xogos infantís
Por Redacción |
-
Unha pasarela que conecte Mollabao coa Puntada, proposta dos socialistas de Pontevedra e Poio
Por Oskar Viéitez |
-
O PSOE propón a creación dunha Cidade do Deporte en Pontevedra
Por Oskar Viéitez & Cristina Saiz |
-
"No somos como los demás, somos Espazo Común, somos libres, somos de los vuestros"
Por Oskar Viéitez & Cristina Saiz |
-
Lores presenta un programa "sólido e realista" para impulsar "a Pontevedra que avanza"
Por Alejandro Espiño |
-
Iván Puentes está convencido de que "está abierta la posibilidad de un sorpasso" no goberno municipal de Pontevedra
Por Oskar Viéitez |