World Triathlon concede a medalla de prata en sustentabilidade á Gran Final de Pontevedra
Por Redacción
A Gran Final das Series Mundiais de Tríatlon de Pontevedra 2023 conseguiu o certificado de prata en sustentabilidade de World Triahtlon, grazas ás medidas que desde a organización do campionato impulsáronse para garantir un evento sostible e respectuoso co medio ambiente.
Así o confirmou este xoves a Federación Española de Tríatlon, destacando entre as medidas adoptadas en aspectos como a accesibilidade, igualdade, a xestión dos residuos, a promoción do consumo local, o fomento dos desprazamentos sostibles para reducir a pegada de carbono e a compensación da mesma a través dunha plantación forestal que se realizará a finais de ano nos montes de Pontevedra.
"Estamos moi contentos porque é un recoñecemento ao traballo que vimos facendo desde hai moitos anos nesta área. Pontevedra é unha cidade libre de fumes, cumprimos os 365 días cos criterios de calidade do aire e imos seguir avanzando sen ningún xénero de dúbidas", asegura o alcalde da Boa Vila, Miguel Anxo Fernández Lores.
Tamén o presidente da Deputación, Luís López, valorou o recoñecemento afirmando que "a provincia de Pontevedra é unha referencia no coidado do medio ambiente, en mobilidade sostible e na organización de eventos deportivos. Esta certificación supón un novo recoñecemento a este labor e un motivo máis para seguir traballando nesta dirección".
Pola súa banda o videpresidente da Xunta, Diego Calvo, defendeu que "a certificación de prata de sustentabilidade é unha nova proba de como Galicia coida o seu deporte, pero, sobre todo, de como coida e respecta a súa contorna e o seu medio ambiente".
Desde a World Triathlon a súa presidenta, Marisol Casado, quixo tamén enviar "as miñas felicitacións ao comité organizador do evento, porque esta distinción de prata é moi importante no mundo do tríatlon debido a que é un deporte que se practica en plena natureza", un premio que para o presidente da Federación Española, José Hidalgo, "dinos que estamos a ir polo bo camiño".
Relacionadas:
-
Susana Rodríguez perde o ouro mundial en paratríatlon por unha polémica sanción: "É unha vergoña"
Por Diego Espiño & Mosrey Fotografía |
-
Os grupos de idade, os primeiros en vivir a festa do tríatlon
Por Diego Espiño & Mosrey Fotografía |
-
Mires onde mires... Hai un triatleta en cada esquina
Por Almu Dapena & Mónica Patxot |
-
O XXXVII Congreso Mundial de Tríatlon reúne en Sanxenxo representantes de máis dun cento de países
Por Redacción |
-
Cinco galegos nunha armada española que afronta sen complexos a Gran Final: "É como correr no patio da casa"
Por Diego Espiño & Mónica Patxot |
-
Natalia Castro, a gran esperanza local na Gran Final: "Sairei a gozar e o resultado virá por si só"
Por Diego Espiño & Mónica Patxot |
-
Iván Raña, de Pontevedra ao Salón da Fama do tríatlon mundial
Por Diego Espiño & Mónica Patxot |
-
A apertura da Expo e 'Fan Zone' en Montero Ríos, aperitivo ao comezo da Gran Final
Por Diego Espiño & Mónica Patxot |
-
Kristian Blummenfelt, campión olímpico de tríatlon: "Estou sorprendido do deportiva que é esta cidade"
Por Diego Espiño |
-
Correndo por Pontevedra con dous mitos do tríatlon mundial
Por Diego Espiño & Mónica Patxot |
-
José Hidalgo: "Vai ser a proba de todo o ciclo olímpico de máis nivel deportivo, máis que os propios Xogos"
Por Diego Espiño |
-
Miguel Anxo Fernández Lores: "Que Pontevedra sexa a capital mundial do tríatlon non é casualidade. Hai moito traballo detrás"
Por Alejandro Espiño & Mónica Patxot |