Un octoxenario que circulaba en ciclomotor resulta ferido nun accidente en Cambados
Por Anxo Lourido
Un home de 83 anos que circulaba nun ciclomotor pola avenida de Vilagarcía resultaba ferido nun impacto cun turismo na mañá deste xoves 25 no tramo que continúa ao superar a rotonda de Cambados.
Ata o lugar desprazábanse integrantes do servizo de Emerxencias do Concello de Cambados para atender as persoas implicadas.
O piloto, veciño de Vilanova de Arousa, era evacuado polo 061 ao Hospital do Salnés cunha posible fractura do brazo esquerdo, dor cervical e lumbar.
Tamén colaboraron na intervención axentes da Policía Local de Cambados.
INCENDIO
Tamén se rexistraba esta mañá un incendio urbano na Rúa San Francisco de Cambados nunha vivenda particular.
Axentes da Policía Local lograban sufocar o lume cun extintor e procederon á ventilación.
Ata a zona desprazábase o servizo de Emerxencias de Cambados, Bombeiros do Salnés e unha ambulancia do 061.
Relacionadas:
-
Catro persoas feridas nun accidente na rotonda de Cambados-Dena
Por Redacción |
-
Ferida a copiloto dunha motocicleta nunha caída en Ribadumia
Por Anxo Lourido |
-
Un taxista dá positivo na proba de alcohol en Raxó despois de impactar contra un camión
Por Anxo Lourido | Creada e actualizada
-
Unha muller resulta ferida nun accidente na N-541 en Tenorio
Por Redacción |
-
Un motorista resulta ferido ao caerse da moto en Domingo Fontán
Por Redacción |