Espazo Ecosocialista ve unha burla na resposta de Fomento sobre a A-57 ao seu paso pola Fracha
Por Redacción
O deputado de Esquerda Plural (IU/ICV-EUiA/CHA), Joan Coscubiela, presentaba unha pregunta parlamentaria o pasado 11 de novembro á ministra de Fomento, Ana Pastor, na que invitaba a negociar coa empresa concesionaria da autoestrada A-9 para recuperar a concesión e convertela en gratuíta en lugar de construír a A-57 que, segundo expoñían, levará consigo danos notables para o Monte da Fracha.
A resposta do Goberno indignou ao grupo Espazo Ecosocialista que considera unha burla a contestación do Ministerio de Fomento nos seguintes termos: "En relación coa información solicitada, indícase que o Goberno analiza as necesidades e a rendibilidade tanto económica coma social das súas actuacións para a elaboración da súa planificación a curto, medio e longo prazo. Na devandita análise tamén se teñen en conta tanto a existencia das autoestradas de peaxe coma as disponibilidades presupostarias".
A agrupación entende que Ana Pastor demostra pouca sensibilidade en relación co ben común natural e, en concreto, co que afecta aos pontevedreses. Dende Espazo Ecosocialista esperan que a proposición non de lei presentada no Congreso dos Deputados siga un percorrido diferente e reitera o seu apoio ao colectivo Salvemos a Fracha para reclamar un cambio de actitude sobre este tema.
Relacionadas:
-
'Salvemos a Fracha' lembra a Ana Pastor que "aínda se pode repensar" o proxecto da A-57
Por Redacción |
-
'Salvemos a Fracha' reprocha a Ana Pastor que "non ten ningún respecto" cara aos afectados pola A-57
Por Redacción |
-
O recurso xudicial contra a autovía A-57 presentarase nunha semana
Por Redacción |
-
O Consello de Ministros autoriza contratar as obras da A-57
Por Redacción |
-
15.000 sinaturas piden ó Ministerio de Fomento que free a construción da A-57
Por Redacción |